خالد الصاوي عن خلافه مع تامر حسني: العشم نهايته زعل

علق الفنان خالد الصاوي على أزمته مع الفنان تامر حسني، بعدما عاتب تامر في الأيام الأخيرة بسبب عدم سؤاله عنه، مشيرا إلى أن علاقته بـ تامر حاليا أصبحت محدودة ومقتصرة على اطمئنانهما على بعضهما البعض فقط.

وقال خالد الصاوي في تصريحات تليفزيونية عن تامر حسني، بعد اعتذار الأخير له: "علاقتنا بقت محددة، أنا مشوفتش لسه الرد بتاعه، واتكلمت عنه من العشم، ولما بسأل عليهم بيسألوا عليا، تامر حسني وكريم عبد العزيز وأحمد السقا كلهم حبايبي".

واستكمل خالد الصاوي حديثه:" متتعشمش في حد في الزمن دا علشان متزعلش، أنا علاقتي بيهم بقت عبارة عن أفعال قصاد أفعال وخلاص، لكن دائما بقول العشم يؤدي للزعل".

ورد الفنان تامر حسني على تصريحات خالد الصاوي، عبر استوري له بحسابه الشخصي بـ انستجرام جاء فيه: "يا عم خالد أنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج، وياريتك قولتلي إنك زعلان على تليفوني من سنتين كنت جيت لحد عندك صالحتك والله".

وأضاف تامر حسني: "معرفش أنك زعلان وبالمناسبه أنا اللي زعلان عشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة".

وكان قد قال خالد الصاوي في برنامج «Mirror» الذي يقدمه الكاتب الصحفي خالد فرج: "مش واخد على خاطري من أي ممثل أو من أي نجم وعلاقتنا على قد الأفعال وردود الأفعال وخلاص، وهذا الكلام بالنسبة لتامر حسني أو كريم عبدالعزيز أو أحمد السقا توقعت أن صداقتنا هتكون أكبر من كده ولكن علاقتنا هتبقى محددة، إحنا صحاب أوي في الشغل وبره الشغل براءة".

ويعد فيلم "الفلوس" بطولة تامر حسني، تامر حسني، زينة، خالد الصاوي، محمد سلام، عائشة بن أحمد، ومن تأليف محمد عبدالمعطي، وإخراج سعيد الماروق