حازم إيهاب يكشف تفاصيل مؤثرة بعد فقدان ابنه الرضيع

كشف الفنان حازم إيهاب، عن تفاصيل مؤثرة بعد التجربة الصعبة التي مر بها بعد وفاة نجله يونس، بعد 13 يومًا فقط من ولادته.  

وقال حازم إيهاب خلال لقائه عبر بودكاست "فايق ورايق" مع الإعلامي إبراهيم فايق: "بعد 4 شهور من الجواز، مراتي كانت حامل، ورغم إن ماكنش فيه شغل، قلت الولد بييجي برزقه.. الأمور كانت ماشية كويس لحد الشهر الخامس، ولما روحنا للدكتورة، قالت إن لازم نعمل فحص إيكو للقلب، واكتشفنا إن في غرفة من قلبه مش شغالة".

وتابع "فضلت أطمن منة مراتي، رغم إن الحقيقة كانت صعبة، وبدأت أستفسر من الأطباء، وكلمت حد من الأزهر اللي قالي إنه يجوز الإجهاض في الحالة دي، لكن لما عرفت إن فيه خطر على حياتها، قررت أكمل الحمل، وقلت يمكن ربنا يكرمنا بمعجزة".

وتابع: "يونس اتولد ودخل على طول يعمل عملية بعد 6 ساعات، كانت منة وقتها فاكرة إنه في الحضانة بالمستشفى اللي هي فيها، لكن هو كان راح مستشفى تانية، وأجرى أول عملية بالفعل، وكان فيها أمل، لكن القلب ماكنش قوي كفاية".

وأشار إلي أنه “استمر 13 يوما في المستشفى، واحتاج لعملية تانية، لكنها ما نجحتش، والدكتور خرج قالي زي مشهد من فيلم”إحنا حاولنا لكن جسمه بينهار”. 

واستكمل حديثه قائلا: "أنا كنت صدقت إنه هيعيش، وبدأت أجهز له السرير لكن الحمد لله، ربنا اختاره، يمكن ده كان أكرم له ولينا وإن شاء الله يكون شفيع لينا في الجنة".

يشار إلي أن  الفنان حازم إيهاب تزوج من فتاة خارج الوسط  الفني، وهي منة داغر بعد قصة حب طويلة، وذلك في عام 2016 بحفل  زفاف حضره العديد من النجوم .  

اقرأ أيضا: يحيى الموجي يعلق على أزمة خطاب سعاد حسني لـ عبد الحليم حافظ
حب الناس ليك مالهوش حدود.. نجوم الفن يحتفلون بعيد ميلاد الزعيم عادل
صلاح عبدالله يشيد بكلمة الرئيس السيسي في القمة