تامر حسني يوجه رسالة صادقة: أدمنا السوشيال ميديا ونسينا نبص فوق لربنا

عبّر الفنان تامر حسني عن قلقه من التأثير السلبي المتزايد لإدمان وسائل التواصل الاجتماعي على حياتنا اليومية وعلاقتنا الروحية، ومن خلال منشور عبر حسابه الرسمي على موقع "إنستجرام"، وجه تامر كلمات نابعة من القلب، داعيًا جمهوره إلى إعادة النظر في علاقتهم بالإنترنت والسوشيال ميديا، والتفكير في أهمية التوازن بين التكنولوجيا والارتباط بالله، والتأمل في المستقبل بطريقة واعية وسليمة.

ونشر تامر حسني عبر صفحته الرسمية على موقع تبادل الصور والفيديوهات إنستجرام: "معلش كلمتين في قلبي مهمين هما اللي خلوني أتكلم كده في الڤيديو ده الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما أشبه ومبقاش في وقت إننا نبص فوق لربنا ونقوي روحنا بالفضفضة معاه لا الفضفضة بقت وانت باصص تحت في التليفون والآي باد واللاب توب والكمبيوتر شوف شغلك عادي وهزر والعب بس متنساش

وتابع "الأهم إنك مخلوق من طين وروح، وزي ما الجسم غذاؤه الميه والأكل، روحك غذاؤها اللجوء لربنا والنظر له والكلام معاه في صلاتك أو في ذكرك ودعائك وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلاً وقفة مع النفس وإعادة تفكير من جديد في علاقتنا بالإنترنت".

تفاصيل فيلم ريستارت

جدير بالذكر أن «ريستارت» من بطولة: تامر حسني، هنا الزاهد، محمد ثروت، باسم سمرة، عصام السقا، ميّمي جمال، أحمد عزيز، وأحمد علي.

ويشارك في الفيلم عدد من ضيوف الشرف، أبرزهم: إلهام شاهين، محمد رجب، شيماء سيف، رانيا منصور، توانا الجوهري، ولاعب الزمالك السابق أحمد حسام «ميدو».

الفيلم من تأليف أيمن بهجت قمر، وإخراج سارة وفيق.