طبيب شيرين عبد الوهاب يكشف حالتها الصحية.. ويوجه رسالة للجمهور

حرص الدكتور المعالج للمطربة شيرين عبد الوهاب على طمأنة جمهورها ومحبيها عن حالتها الصحية والنفسية، بعد أزماتها الأخيرة التي مرت بها، مؤكدا على عودتها بشكل قوي الفترة المقبلة.

تابع الدكتور نبيل عبد المقصود خلال تصريحاته الأخيرة، قائلاً: "أن شيرين شخصية عفوية ولديها جمهور كبير وتعتبر مطربة مصر الأولي فى الفن ، لأنها دائما تتحدث من القلب الى القلب".

وأشار نبيل عبد المقصود في حديثه رسالة لجمهورها، معلقا: "أوقفوا بجانبها لما ترجع مجددا على الساحة وساعدوها وأدعموها لأن بتحبكوا جدا وانتوا كمان بتحبوها".

من جانبها، أطلقت المطربة شيرين عبد الوهاب أحدث أعمالها الفنية أغنيتين الأولى تحمل عنوان "بتمنى انساك" والثانية "اللي يقابل حبيبي"، وذلك عبر حسابها الرسمي على موقع التواصل الاجتماعي إكس.
تعاونت شيرين عبد الوهاب مع شركة جديدة فى الأغنيتين "بتمنى أنساك"، و"اللى يقابل حبيبى".

وتبدأ أغنية "بتمنى أنساك"
بمقطع تقول كلماته:

بتمنى أنساك زي ما أنت نسيتني في يوم
بتمنى أنساك وأنسى إن أنا حبيتك يوم
وييجي النوم أو ييجي الموت
بس يسكت صوت الآه والعتاب واللوم
بتمنى أنساك

هو أنا حبيتك ليه؟
صدقت كلام أوهام
وصحيت على نار وآلام
كان قلبي وحيد مرتاح
وإنت اللي مليته جراح
خلتني أحبك ليه
ما دام إنت محبتنيش
وإزاي أنا بموت وتعيش
وعينيك بالليل بتنام.

شيرين عبد الوهاب تتعاون فى أغنية "اللي يقابل حبيبي"، مع الشاعر الغنائي تامر حسين، والموزع الموسيقي توما بينما أغنية "بتمنى أنساك" من كلمات وألحان عزيز الشافعي، وتوزيع توما.

بينما تبدأ أغنية "اللي يقابل حبيبي"
بمقطع تقول كلماته:

اللي يقابل حبيبي سلامي أمانة ليه
لو بيني وبينه إيه
ده مهما كان حبيبي
والبعد الله يجازيه

اللي يقابل حبيبي ياخد صورة معاه
يبعتها من وراه
أسرح في عيون حبيبي
وأحكيله عن الحياة

غريبة الدنيا ديا
تقرب الحبايب
وتلاقي الفرحة جاية
تغرب الحبايب