دنيا سامى: ماكنتش عاوزة أمثل.. ومصطفى غريب بيقولى انتى أوحش بنت

كشفت الفنانة دنيا سامى عن كواليس دخولها عالم التمثيل الذي جاء عن طريق الصدفة.

وقالت دنيا سامى خلال لقائها مع الفنانة والإعلامية إسعاد يونس في برنامج صاحبة السعادة المذاع على قناة dmc:  أنا أصلا ماكنتش عاوزة أمثل، كنت بتكسف جدا وبشوف إن دمى خفيف في البيت لكن مش اضّحك الناس، حتى ذهبت إلى المدرسة اللى تعلمت فيها الطبلة، ولقيت نفسى فجأة بتحط في الأدوار الكوميدية، وكنت بقول يا جماعة أنا مش أراجوز، نفسى أعمل حاجات تانية طيب خلونى أعيط واكتشفت بعد كده انها حاجة صعبة جدا، واكتشفت إنها أفادتنى وجرأتنى وخليتنى أعمل أي حاجة.

وأضافت: أنا نشأت في الدرب الأحمر والناس فيه لسه محتفظين بالجدعنة، ولحد دلوقتى وانا داخلة الشارع محدش يقدر يعاكسنى ولو بدور على ركنة يساعدونى، ده غير إنى وأنا صغيرة كانوا بيخافوا منى، فى الشارع وشى مرعب، مع إنى كنت ممكن اتضرب بسهولة لأنى كنت رفيعة جدا ووحشة جدا لكن انا لما بكبر بحلو.

وتابعت: اختى كانت أمورة وشعرها ناعم، وأنا سمرة وشعرى خشن وبقى كبير والوحيد اللى شايفنى وحشة لحد النهاردة مصطفى غريب، بيقولى انتى أوحش بنت في حياتى، وهو متنمر وانا ما اعرفش اتنمر عليه.

يذكر أن أخر أعمال الفنانة دنيا سامى مسلسل "80 باكو" الذي تم عرضة في موسم رمضان الماضي 2025.

تدور قصة المسلسل حول مصففة الشعر الموهوبة (بوسي)، التي تمر بضائقة مالية ويتوجب عليها توفير مبلغ 80 ألف جنيه لإتمام زواجها، حينها تقرر صاحبة الصالون مساعدتها لتعمل مصففة خاصة تزور العميلات في منازلهن، حيث تنفتح على عالم آخر لم تشهده من قبل، بينما يحاول خطيبها مساعدتها على إكمال المبلغ المطلوب.

 اقرا ايضا: فيلم يخاطب الإنسان.. مؤلف «في عز الضهر» يكشف تفاصيله

تعرف على أبرز أفلام عيد الأضحى المبارك 2025

انطلاقة متواضعة لـ"Karate Kid: Legends" مع تألق راندي كيمورا