تامر حسنى يكشف آخر تطورت الحالة الصحية لنجله

توجة النجم تامر حسني، بالشكر لكل من دعمه في أزمته الأخيرة بسبب تعرض نجله آدم لوعكة صحية وخضوعة لعمليتين.  

وكتب"تامر" عبر حسابه على موقع التواصل الاجتماعى فسيبوك" أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، وبقولكم كده عشان تبقوا حريصين مع نفسكم أكتر وولادكم"

وأضاف" ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و2 عشان برضو ساعات مش بيبان ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة، اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي".

وتابع" "وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر"، داعيا لابنه قائلا: يارب، بحق كن فيكون اشفيه وعافيه، هو وكل ولادنا، بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب"

واشار إلي أن" وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه و أنا برضو بدعيلكم، وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم.

اقرأ أيضا: عروض مبهجة وتكريم للموهوبين في ختام احتفالات عيد الأضحى بثقافة الشرقية

قفزة هائلة لـ"المشروع X".. يتجاوز 94 مليون جنيه منذ طرحه

مصطفى كامل يساند تامر حسني: دعواتي لشفاء آدم