أحمد السقا يكشف سر عدم دفنه للراحل سليمان عيد

كشف الفنان أحمد السقا عن لحظة مؤثرة للفنان سليمان عيد خلال وداعه الأخير، مشيرًا إلى أنه لم يقدر أن ينزل قبره لدفنه.

وقال السقا، خلال استضافته في برنامج «تفاعلكم»، المعروض عبر قناة «العربية»، من تقديم الإعلامية سارة الدندراوي: «الوحيد اللى مقدرتش أدفنه سليمان عيد والكل استغرب، مقدرتش أنزل القبر، قلت لهم هدفن نفسي، ده أخويا 26 سنة مسبناش بعض يوم واحد، الموت الحقيقة الوحيدة في الدنيا، مش شر زي ما الناس بتقول، ودفن الموتى ليه بروتكول، وكل وفاة ليها طريقة، وربنا أراد أتعلمها».

وسبق ورد أحمد السقا على المنشور المتداول له عبر مواقع التواصل الاجتماعي وهجومه على طليقته الإعلامية مها الصغير.

وقال السقا في حواره مع الصحفي أشرف شرف: أنا مش فاضي  عشان أكتب بوستان تلقيح علي حد، أنا مشغول جدا و بقالي فترة مسافر  ما بين الإمارات السعودية لأداء فريضة الحج و من قبلهما فرنسا، لست أول شخص في العالم “ يطلق ”، هي أم أولادي و لو احتاجتني في أي وقت هأبقي شخص جنبها.

وأضاف: لا أتمني أي شئ يأذيها أنا  تربية أمي و من بيت كله أصل لو عايزة تتجوز ما تتجوز ده حلال ربنا أنا حاليا عايش لأولادي التلاتة  ابني ياسين اتخرج من الجامعة و نادية و حمزة اخوها الصغير في الجامعة أنا عمري ما أذيت حد، و لا أحب المشاكل و لا النوش.

وواصل: كنت باقي علي علاقتنا لآخر لحظة قصة الفلوس  و مستشفي لندن مش عايز اتكلم فيها بس أنا عملت اللي علي و زيادة و أبقي راجل ناقص  لو لقيت مراتي بتموت و ما وقفتش جنبها ردي علي الجميع الفترة القادمة بشغلي.

الصور الأولى من حفل زفاف منة عدلي القيعي ويوسف حشيش

انفصال شيماء سعيد عن إسماعيل الليثي يشعل مواقع التواصل

سوسن بدر تنضم رسميًا لبطولة فيلم "حين يكتب الحب"