"سمعت إني مت امبارح" .. خالد الصاوي يرد على شائعة وفاته

خرج الفنان خالد الصاوي عن صمته، ليرد على الشائعات التي انتشرت خلال الساعات الماضية عن وفاته.

ورد خالد الصاوي على الشائعات قائلا: "سلام عليكم أزيكم يا أحبائي، أنا سمعت إن أنا مت امبارح، فجيت اطمن خير في حاجة كده ولا إيه، على العموم أنا موتوني 4 مرات في 3 أو 4 سنين، وأحيانا قالوا أن أنا أولادي ماتوا، اللهم احفظنا طبعا.. بس أنا معنديش أولاد".

وتابع خالد الصاوي: "أحب أوضح بعض النقاط الناس دي مش هنقول نواياها إيه لما بتعمل إشاعة أكيد عندك غرض ولا إنت بلا شخصية واللي بتسمعه بتحطه على النت على طول، طب إنت مش عارف أن دا ممكن يبقى تأثيره بايخ على الأهالي، ما علينا أول حاجة الشخص اللي يعمل كده دا شخص كاذب نعمل إيه بقى عشان هو أساسا عايز اللايكات، نطلع كلنا من البروفايل بتاعه وننبه الآخرين".

واختتم خالد الصاوي رسالته: "وأؤكد أن أنا في الحاجات الضرورية جدا والحساسة لازم أطلع وأؤكد أو أنفي الحاجة وثقوا يا جماعة أن أنا لو مت هكون أول واحد يطلع ويقول".

وكتب خالد الصاوي في تعليقه على الفيديو: "خالد مش نفر خالد خيال والخيال لا يموت".

ويعد أخر عمل شارك فيه الفنان خالد الصاوي، هو مسلسل "صدفة" من بطولة ريهام حجاج، وخالد الصاوي، وعصام السقا، ورحاب الجمل، وسلوى خطاب، وميار الغيطى، وفراس سعيد، نور إيهاب، ورشدي الشامي، ورباب ممتاز ومن إخراج سامح عبد العزيز وتأليف أيمن سلامة