وفاة والدة المخرجة سارة وفيق

كشفت المخرجة سارة وفيق, عن وفاة والدتها خلال الساعات الماضية دون الكشف عن موعد صلاه الجنازه أو موعد العزاء وأكتفت فقط بكتابة " أمي ماتت".

من جهة أخرى كانت حدثت أزمة كبيرة بين المخرجة سارة وفيق والناقد طارق الشناوي ، بعد انتقاده لفيلمها "ريستارت" بطولة النجم تامر حسني.

وقالت سارة عبر «فيسبوك»: «أستاذ طارق الشناوي فيه فرق كبير بين الإهانة وبين النقد، حضرتك بتقول إن مفيش موضوع في الفيلم ودي حاجه ضحكتني جدا لأن إحنا بنتكلم عن موضوع الساعة، موضوع العصر، أكبر موضوع بيهمنا ويخصنا حاليا».

وأضافت: «كلامك فكرني بمشهد في الفيلم للفنان محمد ثروت وهو بيقول أنا أعمل أي حاجه عشان ابقى تريند (إحنا خدامين الترند) وسمع كلام الچوكر (الفنان باسم سمرة) اللي بيشتغل لأغراض ناس، مبروك يا أستاذ طارق عرفت تبقى تريند من غير ما تنقد الفيلم.. تخبط في القائمين على العمل بعيداً عن العمل نفسه ولا اتكلمت عن إيجابياته ولا سلبياته لا ههاجم أشخاص وبكده هطلع تريند بسرعة».

وأضافت: «وبعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجة نستفيد بيها بدل ما أنت طالع ترمي إفيهات وإفيهات وحشة كمان».

واختتمت: «الرقم اللي متحقق جوه مصر وبرا مش مجاملة يا أستاذ طارق ده الجمهور الحقيقي اللي بنخاطبه دول مش ولاد أختي مثلًا، الفيلم لسه نازل وداخل على 50 مليون داخل مصر فقط ودا نجاح مفرح لكل صناعه الحمد لله، على العموم دي كلمتك ورأيك والجمهور قال كلمته برضو».

اقرأ أيضا فيلم "الدشاش" الأكثر مشاهدة عبر منصة نتفليكس

صدمة هبة مجدي في الحلقة 21 من مسلسل حرب الجبالي

حقيقة مقتل بطل مسلسل يوسف الصديق