تشييع جثمان والدة المخرجة سارة وفيق بعد صلاة المغرب

أعلنت اسرة المخرجة سارة وفيق، عن تشيع جثمان والدتها التي توفت منذ قليل مساء اليوم بعد صلاة المغرب من مسجد الحمد بالتجمع الخامس، ودفن الجثمان بمقابر العائلة بالقطامية.

وكانت سارة وفيق كشفت منذ قليل عن وفاة والدتها ، من خلال حسابها الشخصي الفيسبوك قائلة "أمي ماتت".
 من جهة أخرى كانت حدثت أزمة كبيرة بين المخرجة سارة وفيق والناقد طارق الشناوي ، بعد انتقاده لفيلمها "ريستارت" بطولة النجم تامر حسني.
وقالت سارة عبر «فيسبوك»: «أستاذ طارق الشناوي فيه فرق كبير بين الإهانة وبين النقد، حضرتك بتقول إن مفيش موضوع في الفيلم ودي حاجه ضحكتني جدا لأن إحنا بنتكلم عن موضوع الساعة، موضوع العصر، أكبر موضوع بيهمنا ويخصنا حاليا».

وأضافت: «كلامك فكرني بمشهد في الفيلم للفنان محمد ثروت وهو بيقول أنا أعمل أي حاجه عشان ابقى تريند (إحنا خدامين الترند) وسمع كلام الچوكر (الفنان باسم سمرة) اللي بيشتغل لأغراض ناس، مبروك يا أستاذ طارق عرفت تبقى تريند من غير ما تنقد الفيلم.. تخبط في القائمين على العمل بعيداً عن العمل نفسه ولا اتكلمت عن إيجابياته ولا سلبياته لا ههاجم أشخاص وبكده هطلع تريند بسرعة».

وأضافت: «وبعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجة نستفيد بيها بدل ما أنت طالع ترمي إفيهات وإفيهات وحشة كمان».

واختتمت: «الرقم اللي متحقق جوه مصر وبرا مش مجاملة يا أستاذ طارق ده الجمهور الحقيقي اللي بنخاطبه دول مش ولاد أختي مثلًا، الفيلم لسه نازل وداخل على 50 مليون داخل مصر فقط ودا نجاح مفرح لكل صناعه الحمد لله، على العموم دي كلمتك ورأيك والجمهور قال كلمته برضو»

ويشارك في بطولة الفيلم إلى جانب تامر وهنا، كل من باسم سمرة، محمد ثروت، وعصام السقا، بالإضافة إلى ظهور عدد من النجوم كضيوف شرف، من بينهم لاعب الكرة السابق ميدو، والفنانات رانيا منصور، شيماء سيف، وإلهام شاهين.

اقر ا ايضا فيلم "الدشاش" الأكثر مشاهدة عبر منصة نتفليكس

صدمة هبة مجدي في الحلقة 21 من مسلسل حرب الجبالي

تعرف على تفاصيل وموعد عرض مسلسل "كتالوج"