شيرين عبدالوهاب: هيفاء وهبي عملت معايا اللي معملوش أقرب الناس ليا

تحدثت المطربة شيرين عبد الوهاب عن دعم ومساندة المطربة اللبنانية هيفاء وهبي لها في محنتها الأخيرة، لدرجة أن هذا الدعم لم تتلقاه من أقرب الناس ليها مثل ما تلقته من هيفاء.

وكتبت شيرين في منشور لها عبر حسابها على موقع انستجرام: ‏أنا رديت على النجمة هيفاء وهبي مش عشان باركت لي على الأغاني، النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني.

وأضافت: هيفا أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني، هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي.. وياريت ياريت فى مصر لو في مشاكل انا بناشد أى حد لأن الست دى طيبة جدا جدا متستاهلش إلا كل خير.

وكانت الفنانة اللبنانية هيفاء وهبي حرصت على توجيه الشكر لنقابة المهن الموسيقية، وذلك بعد رفع قرار إيقافها عن العمل في مصر، وإنهاء أزمتها مع منظم الحفلات ياسر الحريري.

وقالت هيفاء وهبي في جلسة الصلح التي جمعتها مع ياسر الحريري: “أنا بشكر نقابة المهن الموسيقية على تفهمها لـ تقريب وجهات النظر ووقوفها جنبي وبشكرهم أنهم جابولي حقي عن أي سوء تفاهم حصل، وأنا دايما بشتغل في مصر تحت جناح نقابة الموسيقيين وشكرا ياسر”.

وكانت نقابة المهن الموسيقية، برئاسة الفنان مصطفى كامل، قد أعلنت انتهاء أزمة  هيفاء وهبي مع منظم الحفلات ياسر الحريري والتصالح بينهما، بعد أزمة حفل الساحل الشمالي.

وأضافت: هيفاء وهبي لها كامل الحقوق في ممارسة عملها ومنحها التصاريح اللازمة للعمل داخل مصر