دينا فؤاد تروي موقفًا صادما بسبب حالتها النفسية

كشفت الفنانة دينا فؤاد موقفًا مؤثرًا تعرضت له، مشيرة إلى أنها كانت شخصية عصبية لأبعد الحدود وحادة، حيث كانت تنفعل على أبسط الأمور، إلا أنها أصبحت عكس ذلك مؤخرًا.

دينا فؤاد تروي موقفًا صادما

وذكرت دينا فؤاد موقفًا انفعلت فيه بشدة حتى وصل الأمر إلى أنها كسرت زجاج سيارتها، حيث قالت خلال لقائها في بودكاست على الهادي في الكلام مع سالي عبد السلام: “مرة اتعصبت فكسرت عربيتي، خبطت المرايا بإيدي فكسرت الإزاز على الطريق الصحراوي، كان معايا صاحبتي وبنتي.. وكنت بتناقش أنا وصاحبتي نقاش تافه..  هي بدافع عن واحدة صاحبتنا أنا زعلانة منها… وبتقولي أنتي فهمتي غلط.. فخبطت المرايا كسرت إزاز العربية… وساعتها صرخت صراخ جامد لحد ما صوتي راح”.

موقف صعب ووصادم

وأضافت دينا فؤاد:"كان فيا حاجة غلط.. كان أول مرة تحصل في حياتي… ويمكن لأني اتعرضت وقتها لأكتر من حاجة ضايقتني وكتمت جوايا، لكن حاليًا اتغيرت وبقيت بتعصب لما يكون في حاجة تسدعي.. والأول كنت بتعصب على أي حاجة".

وتابعت دينا فؤاد: “بعد الموقف ده حصل حادث كبير في حياتي واتهديت، ومبقتش عاوزة اتعصب وادخل في جدال مع حد أو أبرر حاجة لحد بعدها.

سر ننضارتها

على جانب آخر، كشفت دينا فؤاد سر نضارة بشرتها، قائلة: “مش بحط مكياج في حياتي خالص إلا لو فيه بصور وفيه إضاءة، ومجرد ما همشي هغسل وشي، وأحيانًا بعمل بوتوكس وفيلر ولكن بشكل بسيط، لأننا بنحتاج نعبر بوشنا في التمثيل، وعلى طول بيقولوا لي أنتي أحلى في الحقيقة من الكاميرا".