ديما في قلبي.. القندوسي يودع سيراميكا كليوباترا بعد رحيله عن الفريق

ودع اللاعب الجزائري أحمد القندوسي برسالة مؤثرة، نادي سيراميكا كليوباترا وجماهيره، بعد انتهاء مشواره مع الفريق، عبّر فيها عن امتنانه العميق لكل من سانده خلال الفترة التي قضاها داخل النادي.

وكتب القندوسي عبر حسابه الرسمي على "فيس بوك":"كاين لحظات فالحياة ما تتنساش… وكاين أماكن ما تخرجش من القلب، حتى كي تغادرها".

وأضاف :"اليوم نودّع سيراميكا كليوباترا… مكان ما كانش غير فريق، كان دار، وناسو كانوا عيلتي".

وأردف :"هاد الناس آمنوا بيا، فتحولي أبواب النادي، وذراعاتهم، وقلوبهم، واحتضنوني كيما واحد من أولادهم. 

ومن هنا، من سيراميكا، رجعت نوقف على رجليا، رجعت نآمن بنفسي، ومن هاد الأرض، بدات أول خطوة رجعتني للطريق، ومنها للفريق الوطني، ولكل إنجاز فرّحني وفرّح الناس اللي حبّتني… كانوا هما البداية".

واستطرد :"ربي شاهد بلي الفراق يوجّع، بصح قلبي عامر بالمحبة والامتنان…شكراً من قلبي للسيد محمد أبو العينين، وللأستاذ طارق أبو العينين، الكابتن معتز البطاوي، الكابتن يوسف الشربيني، الكابتن أيمن الرمادي والكابتن علي ماهر على كل لحظة ثقة، وكل نظرة دعم".

واستمر :"شكراً للطواقم الإدارية، الفنية، والطبية، ولكل عامل في النادي ساندني بكلمة طيبة ولا بنظرة تشجيع ولا دعالي".

وواصل:"وشكر خاص بزاف لزمايلي في الفريق، اللي كانوا إخواتي وعائلتي قبل ما يكونوا لاعبين وابدا لا انسي وقوفهم بجانبي وقت الشده وكانو السند الأول".

و أكمل :"وشكر كبير بزاف لكل جماهير مصر، اللي دعمتني، شجعتني، وآمنت بيا… محبتكم ما كانتش مرتبطة بانتماء، حسّيت بيها فكل خطوة… ومحبتكم ما تتقدرش بثمن، ما ننساكمش… وتبقاو دايمًا معايا، وين ما مشيت، وين ما لعبت، و وين ما وقفت".

وتابع : "راني ماشي، بصح سايب قلبي هنا… الذكريات، الضحك، التعب، الأهداف، لمّة الأوضة، لحظات النصر، وحتى الدموع… كامل راهم محفورين في قلبي".

واختتم : “دعواتكم معايا في المشوار الجاي، وتبقى سيراميكا ديما في قلبي”