سارة وفيق توجه رسالة شكر لـ تامر حسني

وجهت المخرجة سارة وفيق، رسالة شكر إلي الفنان تامر حسني، بعد دعمها أثناء وفاة والدتها، التي توفت منذ أيام.
وكتبت سارة عبر حسابها على فيس بوك: «ولادي وجوزي وأخواتي وأصدقائي المقربين وكل عيلتي وأهلي الغاليين متشکره جدًا على وقوفكم جنبي، وتعبكم معايا لحد اللحظه دي، ولسه مشاركني حزني ووجعي. ربنا ميحرمنيش منكم أبدا.. في حياتنا بيعدي ناس كتير بس قليل قوي اللي بيبانوا في الشدة قبل الفرح».

تابعت: «عاوزة أقول كلمة في حق أخ سندني من غير ما أطلب في أصعب لحظة في عمري، وقت ما فقدت أمي، وقلبي بينزف من الحزن لقيت سند وضهر حقيقي، الأخ اللي ما خلفتهوش أمي، لكن ربنا خلاه جنبي وما سابنيش وقت الوجع اللي ما يتوصفش.. شكرا على اللي عملته معايا، اللي عمره ما هيتنسي ولا هيتوصف بكلمات، أخويا الغالي تامر حسني».
فيما رد عليها الفنان تامر حسني قائلًا: «أختي الغالية، أهلك أهلي ربنا يصبرك وينصرك ويحققلك كل أحلامك، ومبروك نجاح فيلمك رقم استثنائي يا سارة افرحي بيه، وافرحي إن فيلمك من 3 أيام دخل ضمن الـ10 أفلام الأعلى إيرادًا في تاريخ السينما المصرية، وفي 4 أسابيع فقط ولسه مكمل، يارب كل يوم في ازدياد، وهتوصلي لسه لأبعد من كده عشان قلبك جميل وإنسانة مجتهدة».

كانت المخرجة سارة وفيق أعلنت منذ أيام عن وفاة والدتها ، وحرص العديد من النجوم على تقديم واجب العزاء لها وكان ابرزهم النجم تامر حسني، وهنا الزاهد، ايمان العاصي، وغيرهم من الفنانين.
 

اقرأ أيضا: 

رامي جمال يطرح ألبوم "محسبتهاش" الثلاثاء المقبل

غموض حول وفاة فنانة هندية شهيرة.. التفاصيل

طارق الشناوي يعلق على اتهام أحمد السقا بضرب طليقته مها الصغير