بسمة وهبة تستغيث بوزير الصحة

استغاثت الإعلامية بسمة وهبة بوزير الصحة، بشأن إحدى المستشفيات بالمهندسين والتي لم تكشف عن اسمها، حيث قدمت عدة شكاوى في المستشفى، بعد تسببهم في تدهور الحالة الصحية لإحدى صديقاتها المقربات والتي تعاني من السرطان، الأمر الذي استدعى نقلها إلى مستشفى سعاد كفافي.

وأوضحت بسمة وهبة في فيديو نشرته عبر حسابها بموقع إنستجرام، إن صديقتها تعاني من السرطان ومنتشر في عدة أجزاء من جسدها، وأحد الأطباء بالمستشفى قرر أن يستأصل أكثر من عضو من جسدها حتى يخلصها من المرض، ولكن الأمر تسبب في زيادة آلامها أكثر من السابق وتسبب في مشكلات صحية لها.

وأشارت بسمة وهبة، إلى أن المستشفى يستولى على أموال كثيرة من المرض دون وجه حق، رغم أن المستشفى لم تقدم الخدمات الكافية، وأسعارها مبالغ بها.

وأضافت بسمة وهبة، أن المستشفى غير نظيف ولا يوجد اهتمام من قبل الممرضات، ولا اهتمام بالمرضى واهتمامهم الوحيد بالفلوس.

وقالت بسمة وهبة في الفيديو: “أعز صحابي والغالية عليا، مصابة بالسرطان في أماكن كتير في جسمها، والكيماوي معملش حاجة، وفيه دكتور قال إنه يقدر يشيل كل الأعضاء علشان يتخلص من الخلايا السرطانية، وشالها كل الأعضاء في الجسم زي القولون والرحم وحاجات كتير، خمس أعضاء شالهم من الجسم، لكن بعدها تدهورت حالتها أكتر بصرف النظر عن أن الدكتور عمل عملية عظيمة، تنفيذا لابتكاره واختراعه ومهارته، لكن المريض نفسه اتبهدل”.

وأضافت بسمة وهبة: “عمل معايا خناقة فهماها علشان ما أكلموش وأفهم منه تفاصيل أختي، ومصدر لينا المساعدين بتوعه.. وكان بيتعمل ليها عمليات كتير دون الرجوع لأسرتها، ووالدتها كانت بتروح تنام ترجع تلاقيهم عملوا ليها عملية ومضوها وهي تعبانة ومش قادرة وفي وضع لا يسمح أنها تمضي”.

وتابعت بسمة وهبة: “روحنا مستشفى سعاد كفافي وكل اللي فيها أساتذة ورخيصة، عكس المستشفى اللي في المهنديسن مش نضيفة والحيطان فيها نشع، والتمريض فيها صعب جدًا، واتبهدلت وخدت حاجات كتير، ولما راحت سعاد كفافي ارتاحت لأن الدكاترة في منتهى الاحترام رغم أنها مستشفى جامعي”.

وأردفت: “لما دخلت مستشفى سعاد كفافي عملوا ليها شوية حاجات إسعافات، وكان المفروض تبدأ تاخد علاجات لأن عندها مياه على الرئة.. وعلشان أديها دواء أو علاج لازم أعرف المستشفى اللي جاية منها أدوها إيه والجرعة قد إيه.. وفوجئت أن المستشفى نايمة والممرضة اللي ردت عليا قالت لي الفايل مش معايا، ولما قلت لها محتاجين نلحق المريضة ضحكت، ولما طلبت منها تحولني لحد مسؤول رد عليا واحد قال لي الفايل في الأرشيف ومقفول، وممكن نعمل فايل جديد، وطبعًا كنت في صدمة من كلامه".

وناشدت بسمة وهبة وزير الصحة بأن يتخذ موقفًا تجاه هذه المستشفى التي تستغل مرضاها، قائلة: “إيه كمية الفلوس اللي بتسحبوها من المريض دي؟ ليه بتستغلوا المواقف.. يا وزير الصحة لازم يكون فيه تقنين، قننوا الفلوس اللي بتدفع بين المريض وإدارة المستشفى، ليه كل مستشفى ماشية على مزاجها.. ولو أقول لكم كم الفلوس اللي دفعتها أمها حرام”.

وأضافت: “أنتم من الواضح أنكم مستشفى استثماري بتدور على أنها تطلع فلوس ومش مهم المريض.. سعاد الفلوس مش مهم الفلوس بالنسبة لهم ولكن مهم المريض”.