بشري فيلم أهل الكهف: فيلم كبير وصناعه كبار

بشري مشيدة بفيلم أهل الكهف: فيلم كبير وصناعه كبار

أشادت الفنانة بشري بفيلم "أهل الكهف" المعروض حاليا بالسينمات عبر صفحتها الشخصية علي موقع التواصل الاجتماعي "فيس بوك".

ونشرت بشري صورة لها مع بوستر الفيلم من السينما وعلقت عليها قائلة "ليه لازم نشوف فيلم أهل الكهف؟؟ انا مش هقدر اتكلم و أفسر كتير لان الكلمة دلوقتى وهى حق اصبحت خطر على حياة الانسان .. بغض النظر عن الفيلم حلو ولا لا او يعجبك ولا لا  الخلاصة انك لازم تروح تشوفه".

وأضافت "انا شخصيا عجبنى فيه حاجات كتير و احترم المجهود البصرى و اداء الممثلين و الملابس و الموسيقى بس الاهم من ده كله انه مش معمول له نفس بروباجاندا الاخرين يعنى بالبلدى مش واخد حظ اخواته الكبار رغم ان الفيلم كبير وصناعه كبار لكن هو نموذج للفرق بين الفيلم الاورجانيك والفيلم المصنوع جيد صحيح بس صناعة الدعاية هى الاساس فيه".

ونوهت "على صعيد اخر دعم الفيلم ده يرجع امجاد شبه دعم القطن المصرى  كدة فى ايام عزه قبل ما يبقى قطن فقط للتصدير...لقد اصبحت السينما و الفنان منتج للتصدير ف لو عندنا منتج محلى نجح ينافس فى  عز المقاطعة رغم افتقاده لبعض التاتشات السحرية بتاعة الامبريالية ولزوم البروباجاندا يبقى لزم ووجب الدعم  مش فقط لكينونة الفيلم نفسه او لشخص صانعيه بس للمصيبة اللى هتيجى بعد كدة لو استمرت هذه الايدولوجية الا وهى اما الفيلم يكون مصبوغ بصبغة البروباجاندا الامبريالية او كأنك  يا ابو زيد ما غزيت".

واختتمت "نفسى مرة نلحق البلا قبل وقوعه...والله العظيم بنشرب ازوزة محلى و تمام و لسة عايشين..ونقدر كمان نعيش من غير ازوزة خالص ...ف ما بالك بقى لو كمان العمل متعوب عليه؟!!!!مش هيبقى فى قيمة مضافة لو ظل المنتج للتصدير يا متعلمين يا بتوع ال.......!!!"

ويضم فيلم أهل الكهف مجموعة من النجوم منهم خالد النبوي، وأحمد عيد، وغادة عادل، ومحمد ممدوح، ومحمود حميدة، ومصطفى فهمي، وصبري فواز، وهاجر أحمد، وريم مصطفى، ومحمد فراج، سيناريو وحوار أيمن بهجت قمر، إخراج عمرو عرفة.