عبدالعزيز مخيون يروي تفاصيل لقائه مع عبدالوهاب

تحدث الفنان عبد العزيز مخيون عن رغبته السابقة في تقديم السيرة الذاتية لـ الفنان الراحل عبد الوهاب، موضحًا سبب عدم تنفيذ المشروع.

قال عبد العزيز مخيون في برنامج كلام الناس مع ياسمين عز على قناة MBC مصر: قدمت مذكرة لـ التليفزيون عشان نعمل السيرة الذاتية لـ عبد الوهاب، وكنت مهتم بيه جدًا، وقدمتها لـ صفوت الشريف وللأسف مكنش فيه استجابة ومهتموش بيه.

لقاء عبد العزيز مخيون مع عبد الوهاب

كما أضاف: عبد الوهاب اندهش لما قولتله أني بقدم شخصيته بدون ما هو عارف، ولما كلمته اعتذر يقولي تفاصيل، ولما احترت أكتر كلمته تاني وقالي أنت برضو، وشرحتله الوضع قالي تعالالي بكره الساعة 1، لأنه شاف أني رجعته لذكرى سعيدة عليه وقعدت معاه ساعة وصححلي حاجات كتير.

لازم تلبس في الإيافة الكاملة.. وقالي اني فيه شبه منه

ومن جانبه، تحدث عبد العزيز مخيون عن رد فعل عبد الوهاب عندما استمع له، معلقًا: إزاي يعملوا حاجة عني بدون ما يسألوني.. قالي أنت إيه قولتله أنا ممثل مش المخرج ولا المؤلف ولا المنتج.

كما كشف الفنان الكبير عبد العزيز مخيون، عن موقف جمعه بالنجمة الراحلة سعاد حسني، عبرت فيه عن عتابها له بشأن طريقة إدارته لمسيرته الفنية.

وقال مخيون في برنامج كلام الناس مع ياسمين عز على قناة MBC مصر: سعاد سمعتني بتكلم مع الإنتاج، وبعدها قالتلي: إنت مش عارف تدير نفسك وموهبتك.. ازاي بتتكلم مع بتوع الإنتاج بالشكل ده؟ ولازم أجيب حد يدير شغلي، لأن إدارة الموهبة مهمة جدا، والثقافة لوحدها مش كفاية.

وأضاف عبد العزيز مخيون خلال حديثه: للأسف مسمعتش كلامها، وندمت إني معملتش كده، لأن البساطة بيتفهم غلط في الزمن ده.