أكبر من الترند...تامر أمين يعلق على الجدل المثار بين الهضبة ونجم الجيل

علق الإعلامي تامر أمين، على الترند المتصدر حاليا للنجمين عمرو دياب و تامر حسني، بسبب نشر الاخير منشورا، يكشف فيه كذب ترتيب الأغاني عبر الترند متهما الهضبة بأنه هو المتسبب في ذلك دون أن يذكر اسمه.

وقال أمين خلال برنامجه “اخر النهار”"مش متأكد 100% إن تامر كتب الكلام ده، ومحتاج أكلمه عشان أتأكد الأول، القصة ممكن تعدي في ثانية، بس لأن جمهورهم كبير أوي، معدتش مرور الكرام.".

وأضاف تامر أمين، أن العلاقة بين النجمين أكبر من أي ترند أو تفاعل على السوشيال ميديا، مشددًا على أهمية إنهاء الموقف بروح طيبة، وقال: "تامر فنان محترم، وعمرو نجم كبير، وأنا شايف إن كلمة طبطبة أو توضيح بسيط من عمرو دياب ممكن تخلّص القصة، وتامر ميخدش الموضوع بسوء نية".

ونشر تامر حسني عبر حسابه على إنستجرام باستخدام خاصية القصص القصيرة: “مش غريبة شوية لما الفنان الكبير اللي بحبه وبقدره، ينزل صورتي عنده في الاستوري بكذا طريقة أن أنا رقم ٤!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله”.

وأضاف تامر حسني: “برضو ناس جمعتلي النتائج دي بس منزلتهاش عموما، هو ترتيب وبيتغير كل شوية، لينا ولزملائنا المطربين لما بينجحوا … الفكرة إن ألبوم "لينا معاد“ أنا تعبت فيه، والناس بتتكلم عنه بكل خير وده الأهم، فمش محتاج أعمل كده”.

وتابع تامر حسني: “أنا لما كنت تقريبا ١٠ أيام رقم 1 في أسبوع نزول الألبوم “لينا معاد”، زي ما انتوا شايفين أهوه في الفيديو اللي اضطريت أنزل أغاني في التريند أعلى وهو كان تحت… احتراما ليه ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده بس مش عارف ليه هو يعمل كده، لأنه أكبر من كده ومش محتاج يعمل كده!! وعموما، ألف مبروك”.

اقرأ أيضا: 

ماذا حقق فيلم"المشروع X" في آخر ليلة عرض؟