من حقي ارد وأدافع عن نفسي.. بدرية طلبة تعلق على شائعات اتهامها بقتل زوجها

علقت الفنانة بدريه طلبة، على الشائعات التي انتشرت مؤخراً حول قتلها لزوجها، وعملها في تجارة الأعضاء البشرية.
قالت بدرية طلبة، خلال مداخلة هاتفية مع الإعلامي سيد على في برنامج «حضرة المواطن»: «تسليتي الوحيدة هي التيك توك ومعروف العائد اللي بيجيلي بيروح المؤسسة الخيرية بتاعتي في إسكندرية بعد موضوع الزميلة المحترمة وفاء عامر ابتدوا يدخلوا يهاجموني بدون أي سبب بألفاظ مش كويسة، اللي يقولي إنتي قتلتي جوزك واللي يقولي يا بتاعت الأعضاء واللي يقولي الكلية بكام».

وأضافت: «كنت باعدي الموضوع وأعمل مش واخدة بالي، لكن لما يدخل حد يسبني في عرضي وعرض بناتي ويتهمني بقتل جوزي كان لازم أرد، وبعدين اللي بيعمل كده مش الشعب المصري، دا معروف مين اللي بيعمل كده، دول شوية مرتزقة إخوان وذباب إلكتروني ولجان وأنا بخاطب دول».

وأكدت: «أنا بخاطب الشوية اللي بيهاجموني باقولهم إحنا أسياد البلد، إحنا المصريين أصحاب البلد مش إنتوا، والرئيس خط أحمر، شيلتوا ليه الريس خط أحمر وإني بقولكم يا خرفان؟ الشعب المصري جزمة أصغر طفل فيه على دماغي وهما اللي عملوني، بس اللي علموني المحترمين».

اختتمت: «اللي مقدم فيا بلاغات وبيقول بدرية بتقول ألفاظ، آه باقول وأرد أنزل لمستوى اللي داخل يشتمني وبعدين أطلع لمستوايا تاني، دول داخلين يسبوني في عرضي ويتهموني بقتل جوزي من حقي أرد وأدافع عن نفسي».
وكانت الفنانة بدرية طلبة، بيانا رسميا عبر حسابها الشخصي على وسائل التواصل الاجتماعي، أكدت من خلاله اتخاذها إجراءات قانونية ضد كل من يروج لتلك الشائعات.

اقرأ أيضا: 

عزازي بطل مسرحية "نوستالجيا" ينفي غيابه فجأة عن العرض بالإسكندرية

حقيقة عزل أنغام في غرفة منفردة بسبب ضعف مناعتها

الليلة.. انطلاق أولى حلقات حكاية "فلاش باك" من