محمد عامر يرد على منتقدي تحريره محضرًا ضد فتاة

علق الفنان محمد عامر ، على الإنتقادات التي تعرض لها بعدما حرر محضرًا ضد فتاة كررت ابتزازها له على مدار عام ونصف العام، وتحريضه على علاقة غير شرعية معها.

وكتب محمد عامر عبر حسابه الرسمي على «فيسبوك»: «عايز أقول كلمتين لكل اللي قالولي ياعم كنت أتبسط مع البنت هو حد شايفك، أنا مش ملاك وممكن فعلًا ميكونش حد شايفني بس ربنا شايفني غير إني مش هعمل كبيرة من الكبائر وكمان أنا محصن واللي ميعرفش معناها يحاول يعرف ده غير إن ده بالنسبالي قرف وربنا يثبتني ويحفظني لأهل بيتي».

وأضاف: «ثانيًا.. نيجي بقا للناس اللي بيقولولي ليه عملت بلاغ وحرام عليا، انتوا مش عارفين كمية المشاكل اللي حصلتلي بسببها والكلام ده بقاله اكتر من سنة ونص وحذرتها كتير جدًا، أما بالنسبة لموضوع البلوك فأكيد مش هيعديني يعني كل ما اعمل بلوك لرقم تبعت من رقم تاني ولو حابين أقولكم الموضوع بالتفصيل هقولكم عادي أنا عملت كل اللي عليا قدام ربنا».

واختتم عامر: «أخيراً بقى اللي مش هقبل انه يحصل مع مراتي مش هقبل انه يحصل معايا هي عندها مشاعر زيي وشكراً جداً لكل اللي قالوا كلام محترم وكويس وفاهمين اللي بيحصل».

يشار إلي أن الفنان محمد عامر كان قد حرر محضرًا بمباحث الإنترنت حمل رقم 33 أحوال ضد فتاة تقوم بابتزازه منذ فترة وإرسال صور غير أخلاقية له، ومحاولة إجباره على علاقة غير شرعية.

وكان تصدر محمد عامر ، الأيام الماضية تريند جوجل وذلك بعد الهجوم الذي تعرض له من قبل بعض رواد السوشيال ميديا.

اقرا ايضا: نقابة المهن التمثيلية تنعى الأديب الكبير صنع الله إبراهيم

إليسا تصل القاهرة استعدادا لحفلها بالساحل الشمالي

اليوم عرض فيلم درويش لـ عمرو يوسف بدور السينما