محمد علي رزق يرد على الفنان السوري سلوم حداد

أعرب الفنان محمد علي رزق، عن انزعاجه من تصريحات الفنان السوري سلوم حداد، والتي أثارت جدلا واسعا في مصر، بعدما وصف الفنانين المصريين بأنهم لا يجيدون اللغة العربية الفصحى.

وكتب محمد على رزق عبر حسابه على «فيس بوك»: «طب هرد بجد أهو يا جماعة علشان لما إتريقت قولتولي إزاي تسخر من أستاذ سلوم حداد، مع إنه إدى لنفسه الحق إنه يتريق على الفنانين المصريين، يا أستاذ سلوم حضرتك غلط، فيه فنانين مصريين كتير بيتكلموا لغة عربية فصحى صحيحة مليون٪؜».

وأضاف: «وتقدر تشوف أخر عمل تم تقديمة في مصر باللغة العربية رسالة الأمام، حضرتك تقدر تيجي مصر وتشوف دكتور يحيى الفخراني هو وكل كاست مسرحية الملك لير وهم بيمثلوا باللغة العربية الفصحى، حضرتك ممكن تنورنا في تعمل جلسة نقاش فني باللغة العربية الفصحى مع أستاذ أحمد ماهر وهو لوحده كفاية عليك، حضرتك تقدر تيجي تنورنا وتشوف ستديوهات الدوبلاچ إللي مليانه شباب بتعمل دوبلاچ باللغة العربية الفصحى».

وختتم حديثة: «حضرتك تقدر تلف على مسارح مصر وأنت تشوف الهواة قبل الأكاديميين وهما بيمثلوا باللغة العربية الفصحى، فياريت حضرتك متتكلمش عن حاجه أنت مش عارفها.. وشكرًا».

وصرح سلوم حداد بأن «قلة من الأشقاء في مصر من الممثلين هم من يستطيعون نطق الفصحى بشكل سليم، ومنهم الراحلان عبدالله غيث ونور الشريف».

وخلال حديثه، أشار حداد إلى أن عددًا من الممثلين في مصر يواجهون صعوبة واضحة في نطق الحروف بشكل سليم، قائلًا: «بقية الممثلين في مصر لديهم مشكلة حقيقية مع تعطيش حرف الجيم»، ثم قلد ساخرًا طريقة نطقهم لعبارة: «وماذا جئت تفعل في هذا الوقت؟» وعلق قائلًا: «يا أخي لا يستقيم هذا».
 

اقرأ أيضا: 

رنا رئيس تخضع لعملية جراحية بعد تعرضها لنزيف حاد