محمد فراج لـ بسنت شوقى فى عيد ميلادها استحملتى عصبيتى وقلقى

حرص الفنان محمد فراج، على توجيه رسالة إلي زوجته الفنانة بسنت شوقي، احتفالاً بعيد ميلادها الذي يوافق اليوم 13 ديسمبر.

عيد ميلاد بسنت شوقي

ونشر  فراج صورة ليده وهي ممسكة بيدها، عبر حسابه على "إنستجرام"، معلقا عليها: "ماينفعش اقولك كل سنة وانتى طيبة قبل ما اقولك جوايا شكر وحب واعتراف بالجميل وحاجات كتير ليكى، إنتى طول عمرك معايا - بتنصحينى - بتوعينى - بتحبينى - مؤمنه بيا - سابقانى دايما بخطوة فى تفاصيل حياتنا ( الصراحة هى مش خطوة واحدة، هما كذا خطوة استحملتينى".

وأضاف: "واستحملتى عصبيتى وقلقى وسخافاتى وقت الشغل وخصوصاً الفترة اللى فاتت واللى كان فيها الموج عالى قوى، ومع ذلك بتبقى أول واحدة تقولى براڤو عجبتنى، واخدة بالك منى وليكى فى كل خطوة أخدتها ربنا كرمنى فيها، ليكى فى كل دور حلو أنا مثلته".

كما تابع في رسالته: "شايلهة همى وحِملى وحِملك وحِمل القطط وحاجات كتير كتير وفوق كل ده كمان زى القمر، أنا لو اتكلمت وحكيت من هنا لعيد ميلادك السنة الجاية والله مش كفايا، تفتكرى بعد كل ده كلمتين حتى لو صادقين ومن القلب يوفوكى حقك، كل سنة وانتى أحلى صوص بيدى طعم للحياة، كل سنة وانتى حبيبتى".

كانت أخر أعمال محمد فراج مسلسل ورد وشوكولاتة الذي تناول قصة مستوحاة من أحداث حقيقية، أثارت في وقت سابق جدلا واسعا في المجتمع المصري لفترة طويلة، ليقدم حكاية عن الحب والخداع والاختيار الصعب، فبين لحظات الرومانسية الدافئة والقرارات القاسية، تتحول القصة إلى صراع نفسي وعاطفي يختبر أبطاله ويكشف عن وجوه متعددة للعلاقات الإنسانية.

اقرأ أيضا: 

بسبب 5 كيلو لحمة، شطب عاطف إمام من عضوية نقابة المهن الموسيقية

أحمد السقا يكشف حقيقة حذفه لفيديو دعم محمد صلاح

عبلة كامل رغم الغياب تجتاح السوشيال ميديا