جد السباح يوسف محمد: دم حفيدي في رقبة المقصرين ولسه موجودين في مناصبهم

كشف جد الطفل يوسف محمد عبد الملك، ضحية حادث الغرق داخل حمام سباحة نادي الزهور، عن تفاصيل مؤلمة تعيشها الأسرة منذ وفاته، قائلًا: «فيه ناس مُقصرة في الواقعة ولسه موجودة في مناصبها لحد دلوقتي، من غير ما يتحاسبوا، وبحذر من تكرار نفس المأساة مع أطفال تانيين».

وأضاف الجد في حديثه مع “المصري الآن”: «الإهمال مش غلطة شخص واحد، ولكن فيه تقصير واضح داخل اتحاد السباحة، متسائلًا: لو المقصرين فضلوا في أماكنهم، الأجيال الجاية مصيرها إيه؟».

وتكلم الجد عن وجع الأسرة، وقال: «جدة يوسف بتروح تزوره في قبره كل يوم خميس، ومش بتتكلم من الصدمة، ولسه مش قادرة تستوعب إنه مات، وأنا بروح أزوره يوميًا وبدعيله والألم مش بيخف».

وأوضح: «والدة يوسف منهارة نفسيًا، ومش قادرة ترجع بيتها، وعايشة مع الأسرة بجسمها بس، لكن روحها مكسورة من الحزن، مضيفًا إن الأسرة ناوية تطلع حاجات يوسف صدقة على روحه».

وتابع: «أخت يوسف التوأم حالتها صعبة جدًا بعد وفاته، لأنها كانت معتمدة عليه في كل حاجة، ودلوقتي حاسة إنها تايهة ومش قادرة تكمل حياتها من غيره».

وفي نهاية كلامه، أكد جد يوسف ثقته في القضاء المصري، مشددًا على أن محاسبة كل مقصر أمر ضروري حتى لا تتكرر هذه المأساة مع أسر أخرى».

اقرأ أيضًا:

والدة السباح يوسف محمد: لن أتنازل عن محاسبة كل من تسبب في وفاة ابني

والدة السباح يوسف محمد: مفيش حد فوق القانون والمحكمة هتجيب حق ابني

دفاع المتهمين في قضية الطفل يوسف: الواقعة قتل خطأ ولا يجوز إصدار أحكام قبل فحص الأوراق

والدة أدهم عامل الدليفري ضحية الغدر بإمبابة: كفنت ابني في يوم عيد ميلاده| خاص

الداخلية تفحص فيديو استغاثة لطالب أزهري بعد تحطيم سيارته خلال فض مشاجرة مرورية