شقيق شيرين عبد الوهاب يكشف تفاصيل أزمتها الأخيرة

مازلت أزمة الحالة الصحية للفنانه شيرين عبد الوهاب، هى الحدث الأكبر خلال الأيام الماضية، وذلك لشعور عشاقها  بالقلق والخوف على وضعها، بعد أنباء تدهور حالتها الصحية، مما جعل محبيها ينتظرون أخبارًا جديدة للاطمئنان عليها.

قرر شقيق شيرين عبد الوهاب، توضيح كل ما تم تداوله مؤخراً، عبر السوشيال ميديا، مؤكداً أن معظم الأخبار التي يتم نشرها عبر المواقع الصحفية غير صحيحة.

كتب  شقيق شيرين عبد الوهاب عبر حسابه بموقع فيس بوك، "اقسم بالله العظيم 90% من الأخبار مغلوطة وغير صحيحة تماما والناس اللي بتتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها.

وأضاف شقيق شيرين عبد الوهاب" "أحنا بقي بعيد ليه عشان اللي انتم شايفينه ده حياتها عبارة عن حرب احنا لما تدخلنا في سنة 2022 من اربع سنين اتقال علينا ايه اننا نهبناها ومستبفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صاحبتها كله بيتاجر عرفت منين حضرتك أنها راحت عندها ومتأكد أوى".

وتابع"زينة عدت عليها يوم قالتلها أنا حاسه اني تعبانه قلتلها المستشفي أهي قريبه يلا بينا راحت واطمنت عليها وهما هناك الدكاتره طلبت منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.. الصحفيين بتوعنا  بقي عرفوا ازاي عشان بيجندو ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جنبها بجد عشان دول عشرة العمر نعرف بعض من قبل ما حد فيهم يبقي معروف من زمان عشرة وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف أي حاجة عشان ميتفهموش غلط".