مها سليم تدعم هند صبري بعد أزمة مسلسل «مناعة»

حرصت المنتجة مها سليم، على تقديم دعمها للنجمة هند صبري، عقب الهجوم الكبير الذي تعرضت له من قبل الفنانة مها نصار، على خلفية مشاركتهما في مسلسل "مناعة" وزعمت بأنها شنت حملات ضدها.

وقالت مها سليم، في منشور لها عبر حسابها بموقع التواصل الاجتماعى «فيسبوك»: «من كام شهر الفنانة والنجمة الكبيره هند صبرى كلمتني وكأن بقالنا فترة ما اتكلمناش وبالصدفة رديت عليها وكنت منهارة لأن بنتي كانت تعبانة جدًا وكنت بادور على دكتور وفي دقايق قلبت الدنيا وكلمت الدكتور ووصلتني بيه».

تابعت: «ومش بس كده كلمتني تانى يوم تطمن بعد ميعاد الدكتور، ومش بس كده فضلت كل كام يوم وخلال الكام شهر اللي فاتوا وفى وسط شغلها وبيتها والتزاماتها بتبعت لى تطمن على بنتي كأنها فرد من عيلتها واحنا مافيش بينا شغل ولا أي مصالح».

واشارت : «هي دي الإنسانة اللي ورا النجمة الكبيرة اللى اسمها هند صبري علشان كده أنا باقول لها انتى دايمًا في قلبي وعلى راسي انا وبنتي وباتمنى لك من كل قلبي نجاح كبير جدًا كالعادة لمسلسلك واتمنى للمخرج المحترم الخلوق حسين المنباوي النجاح الكبير».

وكتبت «مها »، عبر خاصية «ستوري» على إنستجرام على حسابها الرسمى: «أنا ممكن أسامحك على سواد قلبك وغيرتك لأن ده يخصك لوحدك، لكن تتطاولى عليَّ قدام الناس، وتحاولى طول الوقت تقللى منى وتكسرينى، ده مستحيل أسامحك عليه أبدًا مهما كانت النتيجة».

وأضافت «مها» أنها التزمت الصمت لأكثر من شهرين رغم معرفتها الكاملة بما يحدث، موضحة: «اشتكيت لكل الناس والكل شاف اللى حصل، وبقالى أكتر من شهرين ساكتة، والكل عمل نفسه مش واخد باله، وأنا مليش فى كلمة كل عيش واعمل نفسك مش واخد بالك لأن العيش من غير كرامة قلة قيمة».

ووجهت مها نصار رسالة تحذير مباشرة قائلة: «ويا ريت يا هند تبطلى تعملى حملات عليّا أنا وهدى لأن هدى مش طرف فى المشكلة».

اقرأ أيضا:

 إليسا تغني تتر مسلسل «على قد الحب» في رمضان 2026