فريدة سيف النصر لـ"المصري الآن": وفّروا للفنانين اللي بيطلعوا على الـ تيك توك شغل وبعدين هاجمهوهم

أعربت الفنانة فريدة سيف النصر عن استغرابها من الهجوم المستمر على الفنانات اللاتي يستخدمن تطبيق التيك توك، في تصريحات خاصة لـ"المصري الآن"، متسائلة: "ليه بتهاجموا الفنانات اللي بتطلع على التيك توك؟ هيعملوا إيه يعني؟".

وأوضحت قائلة: "بدل ما تنتقدوا، وفروا فرص شغل ليهم وبعدين اتكلموا. أما عن نفسي، أنا هتعلم إزاي أدخل الموقع وأستفيد منه ماديًا، بس طبعًا هقدم محتوى محترم يليق بتاريخي الفني وعمري".

لم تتوقف تصريحات فريدة سيف النصر عند التيك توك فقط، بل امتدت لتناول موضوعًا أعمق يخص مخاوفها الروحية.

حيث عبرت عن قلقها من الملابس التي كانت ترتديها في شبابها وأثرها على علاقتها بالله. كما وجهت نصائح للفتيات قائلة: "خافوا الله، واهتموا بالتستر لأن اللي بنتعرى فيه هنا بيبقى عكس اللي مستور في الجنة."

وفي تدوينة عبر حسابها الشخصي على موقع "فيسبوك"، كتبت فريدة سيف النصر: "أنا لازم أقول اللي يقدر يفيدكم يوم الحق. مش هقدر أقرأ حاجة وألاقيها مفيدة ليوم الحساب وما قولهاش. واستشهدت بالآية الكريمة: 'إِن لَك أَلا تَجُوعَ فِيهَا وَلاَ تَعْرَى'، اللي بتعني إن الجنة مفيهاش عري، يبقى لازم نكون مستورين هنا في الدنيا عشان ندخل الجنة بنفس الهيئة".

وأردفت فريدة: "أنا خايفة من اللبس اللي كنت بلبسه وأنا صغيرة، لكن لقيت رحمة ربنا في آية 'هل يستوي الذين يعلمون والذين لا يعلمون'. اللي بيعمل حاجة غلط بجهل ممكن ربنا يغفر له لو تاب، لكن اللي عارف ومتجاهل ده مصيره بيكون صعب".

الفنانة استغلت الفرصة أيضًا لتوجيه رسالة إلى الجميع، قائلة: "يا جماعة، ما تستنوش تبقوا كبار عشان تتغيروا. مش عارفين ساعتها إمتى، خلونا نجهز نفسنا ليوم الحساب. الحياة قصيرة حتى لو عشنا 100 سنة، المهم نحسب حساب الآخرة أكتر."

واختتمت فريدة سيف النصر حديثها برسالة محبة للجمهور، قائلة: "انتم حلوين ومش محتاجين تعملوا حاجات تستفز الآخرين. الجمال مش بس في المظهر الخارجي، الجمال في الروح والتصرفات. بحبكم ويعلم الله نيتي صافية".

جدير بالذكر أن آخر أعمال الفنانة فريدة سيف النصر كان مسلسل "العتاولة" الذي عُرض في موسم رمضان 2024، وشارك فيه نخبة من نجوم الدراما مثل أحمد السقا، طارق لطفي، مي كساب، زينة، باسم سمرة، ونهى عابدين، من تأليف هشام هلال.

إقرأ أيضًا

ذكرى رحيل خالد صالح.. فنان السهل الممتنع (بروفايل)

إسماعيل فرغلي.. كوميديان الفطرة (بروفايل)

«الشايب».. رحلة نجاح أسر ياسين بين الكوميدي والتراجيدي (بروفايل)