هنا الزاهد: نفسي أتجوز راجل وما نزلتش دمعة بعد انفصالي عن أحمد فهمي
الثلاثاء، 16 يوليو 2024 10:45 ص
هنا الزاهد وأحمد فهمي
آيه بدر
تحدثت الفنانة هنا الزاهد، لأول مرة عن كواليس انفصالها عن الفنان أحمد فهمي، خلال استضافتها في برنامج صاحبة السعادة، تقديم الإعلامية إسعاد يونس.
وقالت هنا الزاهد: "أنا ست بيت شاطرة، وعمري ما تخيلت إن هيبقى فيه طلاق بعد الزواج، بالنسبة لي إني أمر بتجربة كبيرة ربنا عارف إني معرفش أتحملها جابها لي بالتدريج على 8 شهور علشان ما يبقاش فيه وجع".
وأضافت هنا الزاهد: "اتعملت من تجربة الطلاق دي كتير ولو عاد بيَّ الزمن هدخل التجربة علشان أتعلم منها، وبعد الطلاق حسيت إن الأمر عادي وزيه زي أي حاجة".
وتابعت: "رسمت صورة أن هيبقى فيه عائلة لإني بحب الأطفال بس الواقع كان عكس اللي توقعته واللي كنت بحلم به، بس الحياة مش وردي واتعملت إني مش أي حد الواحد يصدقه ولا يدخله بيته ولا يؤتمن، أنا كنت من الناس اللي بتعامل بحسن نية للأسف، واكتشفت ان الجواز عامة مش راجل وست بس لكن فيه عائلة كمان محيطة".
وأكملت هنا الزاهد: "أسوأ فترة في حياتي كانت وقت وفاة والد دينا الشربيني، وإسعاد يونس الوحيدة اللي خدت بالها إني عيني مطفية وقت العزاء".
وأوضحت: "قلت إني بعد الانفصال هتضايق وهبقى غضبانة لكن أنا ما نزلتش دمعة واحدة بعد الطلاق واعتبرته موضوع وانتهى، وعلشان أشفى من القصة بقيت مع عائلتي لإن همَّ اللي بيعطوا الدعم وأمي وإخواتي هما اللي دعموني وقلت أكيد ربنا شايف لي إن ده الخير".
وتابعت:" أنا بصور فيلم فاصل من اللحظات اللذيذة، حصل الطلاق وكان فاضل يومين ودخل ليَّ هشام ماجد وقال لي أنتِ كنت متطلقة وبتصوري عادي فكل اللوكيشن انصدموا وقالوا لي احنا ما حسيناش إن عندك حاجة".
واستطردت: "كنت راضية جدًّا بعد الطلاق واللي تغير فيَّ بعد الطلاق إني كنت ماشية بقلبي أوي دلوقتِ ماشية بعقلي وقلبي، اتقرصت من ناس كتير وما بقيتش على سجيتي مع كل الناس".
وتابعت: "أكن للشخص اللي كان في حياتي معزة وأتمنى له الخير ولو فيه دور حلو جا لي معاه في فيلم ما عنديش مشكلة وهوافق وهو دلوقتِ بقى زميل في الشغل ومش صاحب أوي مش أكتر". في إشارة لطليقها أحمد فهمي.
مواصفات فتى أحلام هنا الزاهد
وعن مواصفات فتى أحلامها، قالت هنا الزاهد: "يكون راجل سند وضهر، بيعمل اي حاجة علشان يرضيني ويشجعني ويفرح لي كل لما أكبر ميغيرش مني، وأحس معاه بالأمان، أنام أصحى محسش إن هيتغدر بيَّ، ولو عملت حاجة وحشة فيه أو اتصرفت غلط يتعامل معايا بحسن نية ويفكر إني بحبه وباقية عليه، أنا مش هتجوز واحد من سني أنا عايزة واحد في الأربعينات".
وتابعت:"أنا عايزة أعمل أسرة وأخلف بنت وولد، ممكن اسم البنت لي لي، مش عايزة الفن ياخدني وأجل فكرة الإنجاب".
واختتمت: "أنا بحب اشتغل مع تامر حسني وأحمد حاتم ده حبيب قلبي ولما اتطلقت قال لي أنتِ جاية عليَّ بخسارة والشعب بيجوزنا، هو متجوز وأنا عارفة مراته ومفيش الكلام ده طبعًا".
الرابط المختصر
آخبار تهمك
أسعار اللحوم اليوم الثلاثاء 17 نوفمبر 2026
17 نوفمبر 2026 06:30 ص
كجوك: 7 مليارات دولار صادرات مصر الخدمية.. ونعمل على زيادة مخصصات الصحة والتعليم
16 نوفمبر 2026 02:00 م
رغم تراجع الأسعار.. لماذا يدفع المصريون 98 جنيهًا إضافية عند شراء الذهب؟
16 نوفمبر 2026 01:36 م
وزير الصناعة يبحث مع شركات هندية ضخ استثمارات جديدة في مصر وتوطين صناعات استراتيجية
16 نوفمبر 2026 12:45 م
ميرسك وهاباج ـ لويد تعيدان 3 خدمات شحن إضافية إلى قناة السويس
16 نوفمبر 2026 12:43 م
الأكثر قراءة
-
الدفاع المدني السعودي يطلق الإنذار المبكر في المنطقة الشرقية
-
وزارة النقل تحذر ركاب خط قليوب - منوف - طنطا من النزول في بعض المحطات.. اعرف السبب
-
عموتة يرفض عودة بعض المعارين إلى الأهلي ويتمسك بصفقات جديدة في يناير
-
الدكتورة منة الله المشيرفي تكتب: هل يستحق الحب أن نخسر من أجله عالما كاملا؟
-
محاولات إنقاذ مجنونة في الإعلان الرسمي لفيلم «ليلة باظت خالص»
-
جدل حول أهداف محمد صلاح الدولية.. هل انفرد بصدارة هدافي منتخب مصر؟
-
رافينيا في مرمى الانتقادات.. أزمة مزدوجة بين برشلونة ومنتخب البرازيل
-
االإسماعيلي يوضح حقيقة زيادة حصة المستثمر في شركة الكرة إلى 60%.. 10 ضمانات لحماية أصول النادي وهويته التاريخية
-
والدة رونالدو تهاجم منتخب البرتغال واتحاد الكرة بعد السقوط أمام الدنمارك
-
عموتة يرفض عودة بعض المعارين إلى الأهلي ويتمسك بصفقات جديدة في يناير
-
ملعب بينجو الوطني.. ذكريات متباينة لمنتخب مصر بين الخسارة التاريخية والانتصار برباعية
-
«القاهرة السينمائي» يطلق فعاليات «يوم صناعة السينما للشباب» بالتعاون مع «كايرو فيلم فاكتوري»
-
أسعار الخضروات والفاكهة اليوم الثلاثاء 17 نوفمبر 2026 في الأسواق المصرية
-
حالة الطقس اليوم الثلاثاء 17 نوفمبر 2026.. شبورة مائية كثيفة وأمطار خفيفة
-
زيادات أجور أعضاء هيئة التدريس بالجامعات.. قيمة الزيادة لكل درجة وظيفية
أكثر الكلمات انتشاراً