هبة عبد الغني عن أزمة “الجلابية”فيلم أسد: موقف طبيعي وتم استغلاله للدعاية

أعربت الفنانة هبة عبد الغني عن اعتراضها علي الفيديو الذي نشرة محمد دياب مخرج فيلم" اسد" اليوم و الذي وصف فيه منع دخول احد المتفرجين بجلابيه بلدي لإحدي دور العرض داخل احد الفنادق الكبري، وذلك لمشاهدة الفيلم من قبل امن الفندق بانه موقف عنصري فقال نصاً “  اللي حصل ده جريمه، مينفعش يتحرم أي مواطن من خدمه او دخول مكان بسبب لبسه، و اللي في الحاله دي هو زيي مصري خالص لازم نفخر بيه، المفارقه ان ده يحصل مع ناس داخله تتفرج علي فيلم أسد اللي هو بالأساس ضد العنصريه. 

تعليق ناري من هبة عبد الغني على تصريحات محمد دياب بشأن واقعة الجلابيه في احد عروض فيلم “أسد”

احنا عازمين الناس المحترمه دي علي الفيلم و انا هخش معاهم بالجلابيه شخصياً، طبعاً الغلطه اللي حصلت مسؤليه السينما مش اسره الفيلم، و احنا بندين أي نوع من التفرقه ضد أي شخص، و لو محصلش اعتذار و تغيير للمنع ده فإحنا ميشرفناش ان فيلم أسد يتعرض في السينما دي. ”

ومن جانبها، نشرت الفنانة هبة عبد الغني عبر حسابها الشخصي على موقع "الفيسبوك" أن الواقعة لا تتجاوز كونها إجراء تنظيميا خاصا بإدارة الفندق الذي يضم دار العرض، معتبرة أن الأمر تم تضخيمه واستخدامه ضمن الترويج المصاحب للفيلم.

وكتبت منشورا ينص على: “كنت ناويه اتفرج علي فيلم أسد بمنتهي الحياديه رغم دوشة الافروسنترك اللي سمعت عنها .. بس بعد الفيديو دا و اللي بيتعامل مع موقف تنظيمي طبيعي جداً بيحصل من مكان ليه بروتوكول في دخولة مش في سينما عامة موجوده في مول او منفصله، فندق ليه مواصفات معينه و بينفذ اللي يتوافق مع عدد النجوم بتاعته فيتم تصيد موقفه و استخدامها للترويج و الدفاع عن فكرة الفيلم !!!؟”.

وأضافت:“دي مش عنصرة يا أستاذ دياب.. دي وقفه تنظيمية تخص إدارة الفندق مش مصر علشان تقول يتعنصر عليهم في بلدهم، سيبوا رجل الشارع في حاله وقدموا شغلكم بدون ما تحشروه في دعاياكم”.

واختتمت الفنانة هبة عبد الغني تعليقها مؤكدة أن حالة الجدل الدائرة حول الفيلم قد تؤثر على حياديتها في مشاهدته، قائلة:

“اعتقد مش بسهوله هقدر أشوف الفيلم بشكل حيادي”، مرفقة منشورها بهاشتاج: “#فيلم_أسد”.

ويأتي تعليق هبة عبد الغني في ظل استمرار حالة الجدل الواسعة التي صاحبت الحملة الترويجية للفيلم خلال الأيام الماضية، وما أثير حوله من نقاشات عبر مواقع التواصل الاجتماعي.