هنا الزاهد: أمي ضربتني بالقلم في الشارع بسبب قصة حب بالجامعة

تحدثت الفنانة هنا الزاهد خلال لقائها ببرنامج "صاحبة السعادة" الذي تقدمه الفنانة إسعاد يونس بقناة "دي ام سي"، عن أول قصة حب لها أيام الجامعة.

وقالت هنا الزاهد: "أنا كنت شاطرة طول عمري في المدرسة بس في آخر سنتين لما زهقت من المذاكرة قررت اقعد مع زمايلي الفاشلين اللي ورا خالص اللي هما مش بتوع مذاكرة ولا في دماغهم دراسة وقتها ارترفدت وأنا في آخر سنة لمدة أسبوع واتعمل ليا استدعاء ولي أمر".

وتابعت:" أمي ضربتني مرة بالقلم في الشارع وكان قلم جامد، وقت الجامعة كنت بدأت في قصة حب وحبيت واحد زميلنا وكان جميل ومؤدب وكنت مكسوفة اقول لماما فكدبت عليها ودي كانت أول مرة اكدب عليها في حياتي".

وأكملت الفنانة هنا الزاهد:"روحت قعدت مع الشخص اللي كنت معجبة بيه في كافيه عبر وسيط اللي هي هند زميلتنا، والشخص ده خدني وصلني بالقرب من مكان أمي كانت منتظراني فيه وأمي وقتها شافتني وكانت نظرة عينيها طالع منها نار ولما سألتنا عن القصة كدبت فضربتني بالقلم وقلت لها كنت مع أدهم يا ماما واتعرفت عليه وكنا قاعدين في كافيه، طلبت رقم تليفونه وكلمته وقالت له لما تحب توصلها تجيبها لحد البيت ومن وقتها بقيت أحكي لماما عن كل حاجة".

ولفتت الفنانة هنا الزاهد: "أدهم ده كان أول إعجاب وقصة حب فترة الجامعة ومكنش فيه قصص حب تانية قبله".
 

وأشارت: "أنا رومانسية جدا وبحب الحب أوي، مقدرش اعيش من غير حب لإنه بيخليني مبسوطة وعندي أمل في الحياة، بس أنا مش ملزقة وعندي حتة طفولة وقموصة أوي