طلبة جامعة حلوان الأهلية ينتجون مساعد صيدلي ذكي يستطيع الإجابة على أسئلة الأدوية باللغة العربية

نجح فريق عمل من طلبة السنة الثالثة بجامعة حلوان الأهلية من انتاج مساعد صيدلي ذكي، يستطيع الإجابة على أسئلة الأدوية باللغة العربية، ويفهم طريقة كلام المستخدم المصري، بشكل آمن ومعتمد على معلومات موثوقة. 

ويقول فريق العمل: بدأنا مشروع الـ Deep Learning بهدف واضح: نبني مساعد صيدلي ذكي يجاوب على أسئلة الأدوية باللغة العربية ويفهم طريقة كلام المستخدم المصري، لكن بشكل آمن ومعتمد على معلومات موثوقة، مش مجرد Chatbot عادي.

عشان كده طورنا MedChat، وهو AI Medical Assistant بيعتمد على تقنيات زي: RAG System, AraBERT, ChromaDB, Mistral LLM, Groq LLM, Reasoning، وOrchestration Layer.

علشان يقدر يحلل السؤال، يبحث في المعلومات الطبية، ويطلع رد عربي واضح وآمن للمستخدم.

المشروع ماكانش مجرد موديل واحد، لكنه System كامل بيضم: Arabic NLP → Drug Detection → RAG Retrieval → Safety Classification → Final Medical Response

واحدة من أصعب مراحل المشروع كانت تجهيز الداتا، لأننا اشتغلنا على تجميع وتنظيم بيانات لأكتر من 5000 دواء مصري تشمل الجرعات، التداخلات الدوائية، التحذيرات، والأعراض الجانبية.

واجهتنا تحديات كتير، أهمها قلة الداتا الطبية العربية وضيق الوقت، لكن الحمد لله قدرنا نوصل لنظام متكامل ونال إعجاب الدكاترة والمعيدين والمناقشين ❤️

التجربة دي علمتنا إن نجاح أي AI Product مش بس في قوة الموديل، لكن في جودة الداتا، تنظيم الـ Pipeline، والاهتمام بالـ Safety من البداية.

ضم فريق العمل كلا من:  

• محمد أيمن سليمان.

• محمد محمد جلال.

• عمر رجب حسن.

• عمرو ياسر بدر.