طلاب BIDT بكلية تجارة حلوان الأهلية يطورون منصة تجمع بين السوبر ماركت والتجار والموردين في مكان واحد

نجح طلاب BIDT بكلية التجارة بجامعة حلوان الأهلية من تطوير منصة تجمع بين السوبر ماركت والتجار والموردين في مكان واحد.

فكرة المشروع ببساطة جاية من مشكلة موجودة عند كتير من السوبر ماركت والتجار، وهي إن طلب المنتجات من الموردين لسه بيعتمد على المكالمات، الواتساب، والزيارات المباشرة. وده بيعمل مشاكل زي تأخير الطلبات، صعوبة مقارنة الأسعار، عدم وضوح توفر المنتجات، وصعوبة الوصول لموردين موثوقين.

علشان كده عملنا Torida، وهي منصة B2B بتجمع بين السوبر ماركت، التجار، والموردين في مكان واحد.

من خلال Torida، التاجر يقدر يشوف المنتجات، يقارن الأسعار بين الموردين، يطلب الكمية اللي محتاجها، ويتابع حالة الطلب لحد ما يوصل. وفي نفس الوقت المورد يقدر يضيف منتجاته، يحدّث الأسعار والمخزون، ويستقبل الطلبات بشكل منظم.

المنصة كمان بتوفر فواتير إلكترونية، تقييم للموردين، ورسائل داخل التطبيق علشان التواصل يبقى أسهل وأوضح.

الميزة الأساسية في Torida إنها مش بس بتسهّل الطلب، لكنها كمان بتساعد التجار الصغيرين يوصلوا لموردين أكتر، ويختاروا أفضل سعر وجودة بدل الاعتماد على مورد واحد أو اتنين.

وفي الجانب التقني، المشروع اتنفذ باستخدام Flask وPython وMySQL، مع نظام دخول آمن وصلاحيات مختلفة لكل مستخدم.

في النهاية، Torida هدفها إنها تحوّل عملية التوريد التقليدية لعملية رقمية أسهل، أسرع، وأكثر شفافية، وتدعم التحول الرقمي في قطاع الجملة والتجزئة في مصر.

اسم المشروع : Torida

فريق العمل:

رماح وائل محمود محمد 

حبيبه جمال محمد 

روضة محمود الشربيني 

بيشوي باسم بانوب 

حماد احمد سيد.

الدكاترة المشرفون: 

 أ.د يحى حلمى 

د . خالد الخبيرى

ويأتي هذا المشروع ضمن عدد من المشاريع التخرج الطلابية التي شهدت كلية العلوم الإنسانية والتجارة وإدارة الأعمال بجامعة حلوان الأهلية مناقشتها، والتي عكست ما اكتسبه الطلاب من معارف ومهارات خلال سنوات الدراسة، وأظهرت قدرتهم على توظيف تقنيات التحول الرقمي والذكاء الاصطناعي وتحليل البيانات ونظم معلومات الأعمال في تقديم حلول وتطبيقات عملية تعالج تحديات واقعية وتواكب متطلبات سوق العمل.

وقد تميزت المشاريع المقدمة هذا العام بتنوع أفكارها وأبعادها التطبيقية، حيث تناولت العديد من القضايا المرتبطة بالتحول الرقمي والتكنولوجيا الحديثة، وقدمت نماذج وحلولًا مبتكرة تعكس وعي الطلاب بمتطلبات المستقبل وقدرتهم على توظيف المعرفة الأكاديمية في خدمة المجتمع وقطاع الأعمال.