موعد جنازة ابنة الكاتبة رضوي العوضي

كشفت الكاتبة رضوي العوضي، موعد جنازة ابنتها مريم، التى رحلت عن عالمنا اليوم بعد صراع مع مرض السرطان.

وكتبت رضوي العوضى، عبر حسابها الشخصي بموقع التواصل الاجتماعي فيس""مريم في ذمة الله، صلاة الجنازة غدًا السبت الموافق 27 يونيو 2026، بمسجد حسن الشربتلي بالتجمع بعد صلاة الظهر".

وقبل أيام من إعلان الوفاة، كانت رضوى العوضي قد نشرت رسالة مؤثرة عبر حسابها على "فيسبوك"، ناشدت خلالها الجميع الدعاء لابنتها، بعد دخولها في غيبوبة تامة، وكتبت: "فاكرة يا مريم لما قولتيلي أنا هعيش علشانك يا ماما، فاكرة يا مريم لما قولتيلي إنك مش خايفة وواثقة في ربنا إنه هيقف معاكي... ارجعيلي يا مريم، والنبي اقوي على المرض ومتستسلميش، ده ربنا العظيم جواكي، ارجعيلي يا مريم علشان نخرج ونتفسح مع بعض، لسه ملحقتش أشبع منكم يا ولادي".

وأضافت في رسالتها: "بقالي سبع أيام مستنياكي في أوضة المستشفى بتاعتك، وانتي مش معانا وبتقاومي لآخر لحظة، عارفة إنك تعبتي واحتملتي كتير، بس والنبي ارجعيلي تاني، اطلعي من الرعاية وشيلي الأكسجين اللي حطوكي عليه وارجعي لماما، يا أحلى بنت في الدنيا، بحبك يا مريم ووحشتيني قوي".

واختتمت منشورها بمناشدة متابعيها الدعاء لابنتها، قائلة: "اللي بيحبني ذرة يدعي لبنتي تقوم بالسلامة وترجعلي، أنا محتاجة كل دعوة لبنتي، الدعاء بيغير القدر، جايز فيكم أقرب مني لربنا يسمع منه، ترجعلي بنتي بالشفا والعافية