محمد هنيدي: كنت هعمل فيلم إشاعة حب الجزء الثاني

حل الفنان محمد هنيدي ضيفًا على برنامج بيت السعد، والذي يقدمه الشقيقان عمرو سعد وأحمد سعد، وكشف خلال الحلقة العديد من الأسرار الشخصية والفنية.

وقال محمد هنيدي:" بعد فيلم رمضان مبروك أبو العلمين حمودة، عماد أديب قالي هنعمل إشاعة حب الجزء التاني، وأنا كنت هعمل شخصية عمر الشريف".

كما روى الفنان محمد هنيدي تفاصيل أهم 10.000 جنيه في حياته قائلًا: "اتفقت على مسلسل تيمون وبومبا بـ 10 آلاف جنيه، وقولت للمنتج إني هاخدهم دلوقتي عشان اشتري عربية بتكييف، وهخلص المسلسل ده في 10 أيام، وفعلا خلصت في الوقت ده، وجبت العربية وبعدها باص أحمر كبير خبطني وأنا رايح للمونتاج عصام إمام".

وأضاف محمد هنيدي: "دلوقتي فيه كوميديا ومستحيل الكوميديا تختفي لو اختفت الأكسجين يتسحب، بس بتمر بفترات بسبب التكنولوجيا وفي أساليب كتير جدا بضحك، بس يبقى الورق أهم حاجة، والكوميديا بخير وشايف أجيال بتطلع واللي هيستمر اللي ميستسهلش، فيه مخرجين كبار بدون ذكر أسماء يخافوا يعملوا كوميدي".

وتحدث محمد هنيدي خلال لقائه قائلًا: كلهم ناس، وكلنا عايشين، بس الفرق إن المناطق الشعبية فيها التحام بين الناس، اللي يطبخ أكلة لازم ينزل لجاره، وبناخد رأي بعض في الجوازات، الجيران في إمبابة كان عندهم ترابط كبير غير الكمبوندات.

وفي سياق آخر، قال عمرو سعد عن بداية محمد هنيدي: كل الفنانين في الوسط بيصدروا معاناتهم وظروفهم الوحشة قبل الشهرة، إلا محمد هنيدي، مع إنه شقي كتير جدا، واترفض من شغل كتير، ودا يوضح إنه إنسان جميل جدا.