غادة عبد الرازق: المخرجين بيطلبوني لشخصيتي القوية والناس شايفة أن البطلة الشعبية

كشفت الفنانة غادة عبد الرازق، عن مدى إعجاب المخرجون بها، واختيارهم لها في أدوار وشخصيات المرأة القوية خلال الأعمال الفنية، موضحة أن الجمهور يحبها في صورة المرأة التي تنتقم.

وقالت غادة عبد الرازق، خلال لقائها مع برنامج صباح العربية: "المخرجين بيطلبوني دايمًا لأن شخصيتي قوية، والناس شايفة أن البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة".

وأضافت غادة عبد الرازق:" القوة مش معناها أن البني آدم ميبقاش طيب، القوة حلوة عشان لما تقع تقف تاني، أو انفصلت في ناس بتدمر القوة أن أقف على رجلي تاني، مش لازم أبقى ست مفترية، والرجالة هما اللي بيقولوا على المرأة القوية أنها متسلطة، ولو ستات قالوا كده بيبقوا عايزين يبقوا أقوياء ومش عارفين ولا عارفين ياخدوا حقهم".

وكشفت رأيها عن الحالة الفنية المصرية في الوقت الحالي: "الصحة الفنية المصرية للأسف مبقتش بالقوة بتاعة زمان، النصوص بقت ضعيفة والمؤلفين يستسهلوا أو يفصلوا على مقاس النجم".

يذكر أن مسلسل صيد العقارب، آخر أعمال غادة عبد الرازق، الذي شاركت فيها ضمن الماراثون الرمضاني الماضي لعام 2024، حيث ضم العمل كل من محمد علاء، رياض الخولي، سيمون، أحمد ماهر، ميار الغيطي، محمد علي رزق، عفاف رشاد، محمد نجاتي، أحمد الشامي، مي القاضي.