هالة صدقي عن واقعتي الهضبة ورمضان مع معجبيهم: مش جرأة من المعجب إنه يلمس الفنان

كشفت الفنانة هالة صدقي، عن رأيها في لمس المعجبين للفنانين، موضحة أن المعجب لا يتخيل أن لمس الفنان يعد جرأة منه.

وقالت هالة صدقي خلال استضافة الفنانة التشكيلية شاليمار الشربتلي لها: "فيه ناس بيبقى عندهم قلق من إن حد يشدهم أو يلمسهم، بس المعجب بيبقى شايف الفنان ده اللي بيجيلنا البيت، وأنا كنت خارجة من مكان ما كان فيه سواق لاقيته بيقولي أهلا إزيك يا مدام هالة؟ قلت له أهلا وسلمت عليه، وأنا كان عندي مشكلة مع حد لقيته بيقول بصوت عالي يا صفصف بشكل مش لطيف".

وأضافت: "المعجب مابيبقاش متخيل إن دي جرأة منه، إنه يروح ويلمس فنان، هو شايف إنك بتاعته (بنته وصاحبته وأخته اللي بتجيله البيت)، وأنا بحاول أعمل المعادلة دي، لكن لما بشوف إني مش قادرة بحبس نفسي في البيت".

وسألت شاليمار هالة: "لو حد قالك انتي هتعملي فيلم عالمي وهنجيب معاكي 3 ممثلين ليوناردو دي كابريو وتوم كروز وبراد بيت، تختاري مين؟"، وردت هالة صدقي: "ولا واحد منهم، ممكن آل باتشينو، وأحب أقف قدام روبرت دي نيرو أنا بعشق الراجل ده، وممكن أعمل معاه دور كوميدي".

آخر أعمال هالة صدقي

يُذكر أن آخر أعمال هالة صدقي هو مسلسل "جعفر العمدة" الذي عُرض في رمضضان 2024، من إخراج محمد سامى، وتأليف مهاب طارق، ومن بطولة الفنان محمد رمضان، بيومي فؤاد، أحمد داش، سلوى عثمان، طارق الدسوقي، فريدة سيف النصر، عصام السقا، جورى بكر، أحمد فتحى، طارق النهرى، مجدى بدر، وغيرهم.