مسلم يكشف حقيقة التظاهر في نقابة الموسيقيين

أكد مطرب المهرجانات الشعبي مسلم، عدم قيامه بوقفة احتجاجية في نقابة المهن الموسيقية احتجاجًا على قرار منعه من ممارسة المهنة منذ مارس الماضي.

وقال مسلم في مداخلة هاتفية عبر برنامج كلمة أخيرة مع الإعلامي أحمد سالم على قناة ON: «مكانش فيه وقفة احتجاجية، كل الكلام ده كذب وإشاعات، هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده».

وأضاف مسلم: «أنا النهارده كان عندي مشكلة مع شركة كبيرة للإنتاج الصوتي، خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل، وكنت رايح النهارده النقابة علشان أحل وارجع، وواحد صحفي كلمني وقال لي هاجي معاك علشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت».

واستكمل: فرقتي كانت هناك ربعها فقط، حوالي ٦ أو ٧، مستنياني علشان نحل المشكلة مرة واحدة، لقوا صحافة كتير، حوالي ١٥ صحفي، ولكن أنا كنت رايح بحسن نية، وحد كلمني من الفرقة قال لي ارجع.

وعن سبب ما أوردته النقابة حول منعه بسبب أنه يخلّ باتفاقاته مع متعهدين وشركات، قال: «في ناس بتكرهني كتير في المجال لأني مش منولهم مرادهم ومش باتفق معاهم، وأنا كنت شاب صغير نفسي أنجح، مضيت مع منتج عقد وقلت هيطلعني ويظهرني، لكن كنت قاصر، وحصل خلافات بعد كده، وهي دي الشركة الوحيدة اللي مشكلتي معاها.

اقرا ايضا: الحلقة 4 من "كارثة طبيعية": القبض على محمد سلام بسبب أطفاله السبعة

مصطفى كامل ينفي استدعاء الشرطة لمسلم ويؤكد: الأزمة تتعلق بخلافات مالية

صدمة محمد سلام بإنجابه بسبعة أطفال مرة واحدة في الحلقة الثالثة من كارثة طبيعية