بسبب فيرس كورونا.. عمرو وهبة يكشف تفاصيل حالة ابنه الصحية

 كشف الفنان عمرو وهبة، عن تفاصيل الحالة الصحية لابنه يحيى، من خلال ستوري نشرها عبر حسابه الرسمي على موقع التواصل الاجتماعي إنستجرام.

فبعد أن نشر عمرو عدة صور أظهرت ابنه يحيى وهو يتلقى العلاج، تسائل الجمهور عن طبيعة مرضه، فبدأ عمرو رسالته للجمهور بشكرهم على الاهتمام، فكتب “شكرًا لكل حد عارف أن يحيى تعبان وسأل أو اتكلم أو كتب كومنت واتصل.. وبعتذر إني مش بعرف ومش هعرف أرد على كل الناس علشان بقالي شهر تقريبًا بحكي كل يوم كذا مرة للناس والأهل والدكاترة والصحاب".

وكشف عمرو أنه حتى الآن لا يعرف المشكلة التي يعاني منها ابنه، فكتب "عامة احنا لسه معرفناش بالظبط ايه المشكلة ولا علاجها، اللي عارفينه بس انه مشكلة في المناعة حصلت له بسبب الكوفيد، شكرًا لأي حد مهتم أنا عارف وحاسس والله ومن الناحية الطبية معانا دكاترة محترمة ومهتمة وعاملين اللي عليهم وزيادة، فموضوع ترشيح الدكاترة مشكور طبعًا بس دي مرحلة عديناها وهي بس حاجة بتاخد وقت في التشخيص ونتمنى طبعًا ميطلعش فيه حاجة أصلاً وربنا يلطف ويخف وخلاص ومش عايز أعرف ده ايه.. شكرًا لاهتمام اللي كانوا عارفين واهتموا”.

اقرأ أيضًا: حسن الرداد وإيمي سمير غانم يعلقان لأول مرة على شائعات حملها بطفلها الثاني

وفى سياق آخر، يشارك عمرو وهبة في مسلسل رقم سرى، الذى عرض منه 26 حلقة، وتعرض حلقاته حاليا على شاشة قناة DMC الساعة 8 مساء، وعلى منصة Watch It، وهو من بطولة ياسمين رئيس، صدقى صخر، عمرو وهبة، ناردين فرج، أحمد الرافعي، باسل الزارو، نادين، رامي الطمباري، مصطفى عمر، أحمد الشامي، رانيا منصور، تأليف محمد سليمان عبد المالك، إخراج محمود عبد التواب.