"أوحش حاجة في 2024".. منة فضالي تكشف عن معاناة والدتها مع السرطان

كشفت الفنانة منة فضالي، عن أصعب شيء عانت منه هذا العام، في رسالة كتبتها عبر حسابها الرسمي على موقع التواصل الاجتماعي إنستجرام.

شاهد أيضًا: فيديو انهيار عبد الباسط حمودة في جنازة أحمد عدوية

بدأت منة رسالتها، بالتأكيد على ضرورة حمد الله دائمًا مهما كانت الظروف، فكتبت "سنة كان فيها الحلو والوحش برضه بس دايما بقول الحمد لله على كل حاجة تيجي، بس دايما لازم يكون عندنا أمل في الحياة، مهما كان اللي بنمر بيه دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الأخر كلنا واحد، واحنا اللي بنغير وبنختار حياتنا اللي احنا عاوزينها، اللي عايزه أقوله من كل ده.. ان مفيش حاجة هتتغير غيرنا، احنا بنموت وبيتولد غيرنا في مجتمع وتفكير تاني غيرنا، نحاول نحمد ربنا على أي حاجة ربنا مديهالنا".

اقرأ أيضًا: تشييع جثمان الفنان الشعبي أحمد عدوية من مسجد حسين صدقي | فيديو

وتحدثت منة عن معاناتها فترة اكتشاف مرض والدتها، فكتبت "أنا بالبنسبالي كانت سنة فيها شغل اه وسفر وحاجات كتير، بس كان فيها أوحش حاجة.. ان أمي جالها سرطان، وعشت فترة صعبة برغم إنها كانت في المستشفى، كنت بصور في نفس الوقت، ومكنتش بنام يعني، في الأخر الحمد لله على كل شيء".

وختمت منة رسالتها بمعايدة وشكر كل محبيها، فكتبت “كل سنة وأنتم طيبين، وسنة سعيدة عليكم يا رب وعلى كل أحبابكم، وكل اللي نفسه في حاجة تتحقق يا رب، شكرًا لكل حد وقف جنبي أو ساعدني من بعيد أو قريب، شكرًا لكل الناس اللي اشتغلت معاهم ويا رب دايمًا أكون عند حسن ظنكم في شغلي، شكرًا لجمهوري والفانز والإعلاميين وكل الناس اللي بتشجعني دايما”.

اقرأ أيضًا: نقابة المهن الموسيقية تنعي نجم الأغنية الشعبية أحمد عدوية