نيللي كريم: مش هرد على كلام طليقي بشأن التمثيل

كشفت الفنانة نيللي كريم، عن الكثير من التفاصيل حول حياتها الشخصية، بجانب الكشف عن فيلمها الجديد الذي يحمل اسم هابي بيرث داي.

ورفضت الفنانة نيللي كريم الرد على ما قاله طليقها هشام عاشور، بشأن أنه لم يخرج أقصى إمكانيته الفنية حفاظًا على شكل نيللي كريم، قائلة: "مش عاوزة أتكلم في الموضوع ده".

وكشفت سبب اختيار أدوارها الفنية، قائلة: "أنا بختار الأدوار على حسب حالتي النفسية، وممكن يبقى عندي دراما في حياتي مش عاوزة أعيشها على الشاشة، وساعات العكس ومزاجية جدًا وممكن أرفض موضوع يبقى حلو جدًا بس أحس أنه مش هيبسطني".

وعن فيلمها الجديد هابي بيرث داي، أوضحت نيللي كريم: "الفيلم فكرة سارة جوهر ودي أول مرة تخرج وأنا متحمسة كتير للفيلم ده، والفيلم فيه حاجة مختلفة، وهي من المخرجين اللي بيعرفوا يختاروا الكادر، وفي ناس بتختار الأداء التمثيلي، وهي من المخرجين اللي بتختار الإحساس".

نيللي كريم تعلق عن العلاقات العاطفية
أما عن العلاقات العاطفية، ردت نيللي كريم: "الظروف بتبقى صعبة وممكن يكون اتنين بيحبوا بعض بس محطوطين في ظروف وحشة، والعكس صحيح، وكل واحد ليه قصته المختلفة ومفيش حد شبه التاني".

وبشأن اكتشافها في الفن يرجع إلى الفنانة الراحلة فاتن حمامة، أوضحت: "هي مكتشفتش إني كويسة في الفوازير هي خدتني وعملت معاها أول مسلسل وجه القمر، والذي كان أول عمل درامي ليا".