عندها خلل.. خيري رمضان يكشف سبب هجومه على بسمة بوسيل

كشف الأعلامي خيري رمضان، سبب انتقاده للمطربة المغربية بسمة بوسيل، بعد حديثها الأخير عن طليقها الفنان تامر حسني، الذي وصفته بأنه كان من أسباب ضياغ حلمها في عالم الغناء.

وقال خيري خلال لقاء في برنامج "منا وفينا" الذي تقدمه المذيعة هبة حيدري عبر قناة "المشهد": «لما هاجمت بسمة بوسيل ماكانش هدفي ركوب التريند أنا فكرت في حاجة واحدة بس وهي الرسالة اللي بتوصل لما زوجة بتطلع تتكلم عن زوجها أبوأولادها، والكلام رأيت فيه اللا منطق، وأنا قضيتي مش تامر حسني خالص، أنا قضيتي كل زوجة بتختلف مع زوجها ودا بيحصل كتير، تراعي إن العلاقة عندما تنتهي لابد من الاحترام، وأن من تتحدثين عنه هو أبو أولادك، وأبوالأولاد بيجرح الأولاد، وموضوع التريند أنت اللي كنتي تبحثين عنه مش أنا، أنتي اللي صنعتي التريند الذي يثري قيمة غير محترمة في المجتمع".

وأضاف" أنا قلت أدت بشكل رائع وكانت مجهزة تمامًا لكن اعترضت على المضمون واعتراضي لا يقلل من شخصها، أنا مليش علاقة بشخصها، بس لما حد يعيش مع حد أكتر من عشر سنين ويجي النهاردة يقولي أنا من أول يوم بتعذب يبقى عندها خلل".

وتابع  هجومي ليس دفاعًا عن أحد، أنا لم أرى تامر حسني منذ سنوات بشوفه أحيانًا في فرح، آخر لقاء عملته معاه كان من أكتر من 8 سنوات، ولا تجمعنا صداقة بحبه على المستوى الإنساني وأعرف والدته لكن مش أصدقاء خالص، ولم يكلمني ولم أكلمه، هيسمعنا أو غيره هيسمعنا، تامر مش صديقي لم أكن أفكر في تامر، أنا كنت أدافع عن مبدأ العلاقة الزوجية وحق الأولاد في حياة كريمة، دول بيروحوا المدرسة لما حد من زمايلهم يقولهم هو باباك كان وحش أوي كده، لما اطلع أتكلم في الدين وعايزة واحد بيصلي قدامي الخمس فروض، طيب بأمارة إيه، اللي بيكلمني يديني أمارة، سواء بالزي ولا بالغناء ولا بالدلع، بسمة مدتنيش أمارة إنها تشترط ده بعد سنين من انفصالها، وكانت قبلها بوقت قليل بتتحدث عن إحنا راجعين لبعض وترجع تقول إن من أول يوم زواج وهي في علاقة مدمرة وكل يوم بتبكي وفكرت في الانتحار مين الإنسان اللي يتحمل كل دا يبقى عندها خلل وهي المسئولة".

وأضاف "رمضان،  «قعدتي سنين منفصلة افتكرتي دلوقتي بس العذاب بعد ما ولادك كبروا، افتكرتي تطلي على الناس ويشوفوكي وأنتي عندك أولاد من هذا الرجل، أنا شفتها إنها بتحاول العودة للأضواء، مقدرش أدخل في نيتها إذا كانت عايزة تنتقم منه ولا تستغله»

اقرأ أيضا: ريهام عبد الغفور العمل عقب والدي كان صعب و"ظلم المصطبة" أول

فيلم "الصفا ثانوية بنات" يحقق إيرادات متوسطة

بعد نجاح حكيم باشا.. سهر الصايغ مع منى الشاذلي في حلقة خاصة