رسائل حب متبادلة| وفاء الكيلاني تساند شيرين.. والمطربة تعلق بكلمات مؤثرة

حرصت المطربة شرين عبد الوهاب على توجيه رسالة شكر وامتنان لصديقتها الاعلامية وفاء الكيلاني بعد مساندتها لها خلال أزماتها الأخيرة ودعمها لها بكل قوة، وذلك عبر تغريدة على حسابها في منصة “إكس”.

وكتبت شيرين عبد الوهاب، قائلة: "شفتي شيرين صحبتك حبيبتك اللي جيتي في مرة قلت لها إننا جنبك وحتقفي على رجلك وحترجعي تاني مخيبتِ أملك والحمد لله رجعت تاني. شكراً يا وفاء على وقفتك جنبي في كل حاجة، أنا بحبك".

من ناحية أخري، عبرت وفاء الكيلاني، عن محبتها لشيرين من خلال نشرها أغنيتها "بتمنى أنساك" عبر حسابها علي موقع "إكس"، وعلَّقت قائلة: "عمري ما شكيت في انك معافرة ، وهتقفي وهترجعي أقوى ،ده انت ⁧‫شيرين‬⁩" .

وتابعت وفاء الكيلاني: "‏ ربنا يبعد عنك شر اللي حواليكي يا اطيب واجدع الناس، ‏كلنا معاكي وجنبك وبحبك يا احلى شيري".

من ناحيتها، أطلقت شيرين عبد الوهاب أحدث أعمالها الفنية أغنيتين الأولى تحمل عنوان "بتمنى انساك" والثانية "اللي يقابل حبيبي"، وذلك عبر حسابها الرسمي على موقع التواصل الاجتماعي إكس.

تعاونت شيرين عبد الوهاب مع شركة جديدة فى الأغنيتين "بتمنى أنساك"، و"اللى يقابل حبيبى".  

وتبدأ أغنية "بتمنى أنساك"

بمقطع تقول كلماته:

بتمنى أنساك زي ما أنت نسيتني في يوم
بتمنى أنساك وأنسى إن أنا حبيتك يوم
وييجي النوم أو ييجي الموت
بس يسكت صوت الآه والعتاب واللوم
بتمنى أنساك

هو أنا حبيتك ليه؟
صدقت كلام أوهام
وصحيت على نار وآلام
كان قلبي وحيد مرتاح
وإنت اللي مليته جراح
خلتني أحبك ليه
ما دام إنت محبتنيش
وإزاي أنا بموت وتعيش
وعينيك بالليل بتنام.

شيرين عبد الوهاب تتعاون فى أغنية "اللي يقابل حبيبي"، مع الشاعر الغنائي تامر حسين، والموزع الموسيقي توما بينما أغنية "بتمنى أنساك" من كلمات وألحان عزيز الشافعي، وتوزيع توما.

بينما تبدأ أغنية "اللي يقابل حبيبي"

بمقطع تقول كلماته:

اللي يقابل حبيبي سلامي أمانة ليه
لو بيني وبينه إيه
ده مهما كان حبيبي
والبعد الله يجازيه

اللي يقابل حبيبي ياخد صورة معاه
يبعتها من وراه
أسرح في عيون حبيبي
وأحكيله عن الحياة

غريبة الدنيا ديا
تقرب الحبايب
وتلاقي الفرحة جاية
تغرب الحبايب