مفيدة شيحة تكشف تفاصيل سفرها للحج

كشفت الإعلامية مفيدة شيحة، عن تفاصيل سفرها إلي الأراضي المقدسة لأداء فريضة الحج، مؤكدة أن هذه الفرصة لم تأت بسهولة.

وقالت مفيدة شيحة من خلال مقطع فيديو لها عبر فيسبوك: "مش عايزة أقولكم أنا سعيدة قد إيه، ولازم أقولكم الفكرة بتاعة الحج جات إزاي، أنا مكنتش بحلم إني أحج لأن بصراحة كانت الظروف وقتها غير متاحة، وفاة ماما والعزاء والدنيا ملخبطة مع جواز منة، يعني الظروف مكانتش تقول أن يبقى معايا القدرة المادية أو المالية انه ربنا يكرمني بحج كمان، معرفش إيه اللي حصل، كنا قاعدين في ختمة القرآن تاني يوم ما أمي توفت الله يرحمها وكانت دعاء فاروق قاعدة وبقولها يا دعاء أنا نفسي أحج، قالتلي طيب هشوف الشركة اللي أنا داخلة معاها وممكن ربنا ييسر، قلت لها طيب".

وأضافت مفيدة شيحة: "المهم بعدها بأسبوع ربنا كرمنا بالموافقة واتيسر الحال وعملولي خصم رائع، اعتقد أن الخصم اللي اتعملي دا بدعاء أمي مش لأن أنا مفيدة، ألف حمد وشكر وقدرت إني أسدد اللي عليا، اللي حبيت أقوله أن محدش ييأس من رحمة ربنا مفيش حاجة مستحيلة لما الواحد بيكون في نيته وقلبه بجد ونفسه جدا جدا يحج ربنا بيسهله الحال".

يشار إلي أن مفيدة شيحة تعد من ابرز الإعلاميات المتواجدة على الساحة الأعلامية بمصر، حيث بدأت مسيرتها منذ أكثر من 25 عاما ببرامج توك شو، ثم اتجهت لفترة إلي بعض البرامج الفنية، التي كانت سببا في ظهورها بشكل أكبر . 

وتقدم حاليا برنامج "الستات" عبر قناة "النهار" بمشاركة سهير جودة، الذي يناقش المواضيع المهمة في حياة السيدات المصرية. 

اقرأ أيضا: دنيا سامى: ماكنتش عاوزة أمثل.. ومصطفى غريب بيقولى انتى أوحش بنت

فيلم يخاطب الإنسان.. مؤلف «في عز الضهر» يكشف تفاصيله

بعد زواج 6 سنوات.. تامر عبدالمنعم يعلن انفصاله عن