أصعب قرار في حياتي.. حمزة علاء يودع الأهلي بعد رحيله عن الفريق

علق حمزة علاء حارس مرمى النادي الأهلي السابق على رحيله عن الفريق، بعد فترة استمرت 16 سنة من عمره داخل جدران القلعة الحمراء.

ونشر حمزة علاء بوست عبر مواقع التواصل الاجتماعي انستقرام، وقال: " أكيد الكلام جاي متأخر وعشان كده حابب أعتذر، من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم في النادي الأهلي".

وتابع: "قرار الرحيل كان صعب، لكن كان لازم أن أفكر في مستقبلي، يمكن الفرصة مجتش زي ما كنت أتمنى بس كل حاجة بتحصل بيبقي ربنا كاتبها ورب الخير لا يأتي إلا بالخير".

وأضاف: "لجمهور النادي الأهلي العظيم محبتكم وشكركم عمرهم ما كانوا مرتبطين بعدد الدقايق اللي لعبتها دايما كنتوا سند في كل لحظة، في كل بطولة، حسيت معاكم إني أحسن حارس في العالم وأنا بلعب في بطولة افريقيا والاولمبياد، كل اللي طلبته، إنكم تفضلوا فاكرين إني كنت واحد منكم و ابن من ابناء النادي الأهلي".

وزد: "لإدارة النادي بقيادته الكابتن محمود الخطيب، شكرًا على كل لحظة حسيت فيها إني جزء من الكيان، لزمايلي إنتوا إخواتي وعيلتي اللي عمري ما هنسي أيامها وبتمني ليكم كل التوفيق والنجاح، لكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة ، ولكل عامل تشرفت بالشغل معاه انتم عارفين معزتكم عندي".

وأردف: "ولشعب الاهلي هفضل دائمًا مشجع للكيان من قلب التالتة شمال ويا رب أرفع راسكم وأكون عند حسن ظنكم في خطوتي الجايه، وتكونوا دائمًا في ضهري وسند ليا زي ما طول عمركم عودتوني، اشوف وشكم علي خير .. ابنكم حمزة علاء".

وكان النادي الأهلي قد وجه الشكر لحمزة علاء بعد نهاية الموسم الحالي، عقب رغبة الحارس في خوض تجربة جديدة.