بعد استغاثتها.. بتول الحداد تطمئن الجمهور: كنت بخلص إجراءات طبية

طمأنت الفنانة بتول الحداد جمهورها على حالتها الصحية، بعد استغاثتها أمس بالحكومة لحمايتها من شخص معروف رفضت ذكر اسمه، حيث تعدى عليها بالضرب ويصر على أن يكون معها رغم انقطاع العلاقة بينهما.

وكتبت بتول الحداد عبر خاصية القصص القصيرة على حسابها بموقع إنستجرام: “صباح الخير على حضراتكم جميعا. أنا بطمنكم عليا. أنا الحمد لله كويسة وبخير كنت بخلص إجراءات طبية بسبب الإصابات اللي في جسمي. وإجراءات قانونية والحمد لله إحنا في بلد قانون. الحمد لله  وشكرا لكل الدعم والحب وآسفة لكل القلق والذعر اللي حسيتوه بسببي. آسفة لقلكم وخوفكم عليا وحبكم ودعمكم ليا فوق فوق راسي والله”.

وأضافت بتول الحديد: “أنا كويسة الحمد لله وبدأت العلاج وإن شاء الله تبقى آخر الأيام الصعبة .... وأخيرا لكل شخص غلط في حقي أو ذم في سمعتي وعند الله تجتمع الخصوم”.

كانت بتول الحداد كشفت عن تعرضها لجميع أشكال العنف والابتزاز من نائب سابق في مجلس الشعب، مشيرة إلى أنهما كانت تجمعهما علاقة حب لمدة عامين، ولكنها قررت الابتعاد عنه لأنه مسيحي وهي مسلمة واتفقا على أن يبتعدان عن بعضهما ولكنه منذ ذلك الوقت يتعدى عليها، موضحة: “جالي خطوبة اتنين من أصدقائي وعملي مشكلة والناس لما شافوه بياخدني من وسطهم اتخانقوا معاه. كلمته قلت له لو عندك مشكلة معايا تعالى حلها معايا وبلاش فضايح قدام الناس أنا معروفة وأنت معروف وبلاش تعمل كده ضربني في العربية وشي وارم ورقبتي وارمة لدرجة أن الناس بتوع الباركينج شالوه من فوقي قبل ما يموتني”.

وأضافت بتول الحداد: "أنا لو حصل لي حاجة أو شركتي حصلها أو صحابي او أهلي حصلهم حاجة هيبقى الإنسان ده هو السبب. أنا مش عارفة أروح فين ولا آجي منين ولا قادرة أروح بيتي لأنه لما بيعرف أنا فين بيروح المكان وبيعمل مشاكل ودي مش أول مرة من سنة عمل كده وضربني في الشارع والناس حاشوه عني، أنا اتهنت وانضربت عايشة تحت التهديد وطول الوقت باحاول أتكلم مع البني آدم ده لأنه طول الوقت بيبتزني ومعيشني في رعب ورهبة. أنا خلاص أنا يا إما هموت نفسي عشان أنقذ نفسي من البني آدم ده يا إما هو يبعد عني ويتعهد أنه يبعد عني.  

واختتمت بتول الحداد منشورها قائلة: “الشخص ده مصمم نبقى مع بعض بالعافية، هو مسيحي وأنا مسلمة يعني مصيبة. أنا حاسة أني في كابوس ومش عارفة أفوق منه.. فكرت أسيب البلد كلها وأمشي مش عارفة لأن شغلي هنا ومستقبلي هنا، بقالي 13 سنة شغالة في التمثيل من وأنا في أولى معها”.