وفاة والدة الفنان صبحى خليل

توفيت صباح اليوم والدة الفنان صبحي خليل، ومن المقرر أن يتم تشييع الجثمان اليوم الأحد بعد صلاة الظهر من قريتهما في محافظة الغربية.

وكتب صبحي خليل ، عبر حسابه الشخصي بموقع التواصل الاجتماعي فيسبوك: "إنا لله وإنا إليه راجعون، أمي في ذمة الله".

وفي لقاء سابق، كشف الفنان صبحي خليل عن معاناة ابنته داليا مع السرطان ، موضحا أن ذلك هو أصعب موقف مر به في حياته لأنها هي الابنة الكبيرة.

وقال صبحي خليل في لقاء مع الإعلامى الدكتور عمرو الليثى، في برنامج “واحد من الناس”: أصعب محنة عدت عليا هي مرض بنتي داليا أنا بيبقى عندى بس مشكله إنى أسترجع اللحظة ديه ووقتها، هى طبعاً كانت بدايتها صعبة وصعبة أوى عليا، الناس لما بتسمع إن فى حد عنده كده كان بيحصل خضة فظيعة، ما بالك إنت بقى تعيش الحكاية ديه وإنت أب وديه بنتى الكبيرة اللى شافت معايا كل حاجة، فاللحظة اللى اكتشفنا فيها الموضوع ده مش هقدر أوصفلك أنا شكلى وحالتى كانت عاملة إزاى".

وأضاف: لولا تمسك الواحد بربنا سبحانه وتعالى كان ممكن يستقبل الموضوع بشكل صعب، لكن الحمد لله الواحد كان راضي عشان كده ربنا يسر لها حاجات كتير جداً في حياتها، ورغم إن هذا المرض بيبقي اسمه موت وخراب ديار لأنه بيحتاج فلوس كتير جداً للعلاج وأنا قدرتي المادية مكنتش تسمح بكده تماماً، لأن داليا عملت 74 جلسة علاج كيماوي وعملت عملية زرع نخاع فى فرنسا.

اقرأ أيضا:

 تامر حسني يشعل الأجواء في رأس الحكمة ويطالب الجمهور بالدعاء للكينج

سليم سحاب: عرض «حب من طرف حامد» أثبت أن المسرح مازال ينبض بالحياة

من الوتد إلى الواقع... مأساة فاطمة تعلبة تتكرر في حياة هدى