بعد حب 5 سنين.. فسخ خطوبة سوزي الأردنية

أعلنت التيك توكر والبلوجر الشهيرة سوزي الأردنية انفصالها عن خطيبها طارق وذلك بعد خطوبة استمرت شهرا واحدا فقط.

قالت سوزي الأردنية في فيديو نشرته على تيك توك: «مش أول ولا آخر اتنين ينفصلوا محصلش نصيب، في ناس بتحب بعض وفي الآخر ميحصلش نصيب، ولا حد يطلع يعمل فيديوهات عليا ولا حد يعمل فيديوهات عليه، ويفضل يتكلم ويقول كنا متوقعين وكنا عاملين».

وأوضحت سوزي الأردنية: «شوية مشاكل بين الأهل فرقتنا عادي مفيش أي مشكلة، ربنا معاه ومعايا وربنا يسعد كل واحد في حياته، أنا طلعت اعمل الفيديو علشان لو شفتوه في اي مكان تاني مع حد غيري، لو أنتوا شوفتوه محدش ييجي يقولي، احنا خلاص مش لبعض».

وتابعت سوزي الأردنية: «كل واحد راح لحاله وأنا هقفل كام يوم التيكتوك علشان أنا عايزة ارتب كام حاجة في حياتي، أنا الفترة دي مضغوطة وعندي كام حاجة في حياتي عايزة تترتب وكمان تعبانة».

وأنهت سوزي الأردنية:«أنا مش ناقصة شماتة ولا عايز يتكلم، لأن ده كان حب 5 سنين والموضوع مش سهل خالص، كل واحد يخليه في حاله».

وفي وقت سابق، تصدرت البلوجر سوزي الأردنية التريند بعد إعلان موعد خطبتها على الشاب الذي يدعى طارق، والتي دائما ما تظهر معه في مقاطع الفيديو خاصتها.

وفي سياق آخر، تصدرت البلوجر سوزي الأردنية التريند بعد حديثها عن نتيجتها بامتحانات الثانوية العامة، بعدما رسبت موضحة أنها حصلت على ملاحق، وأنها راضية عن نتيجتها تماما.

   وقالت سوزي الأردنية في بث مباشر لها على فيس بوك: الدنيا مش مستاهلة أزعل وأنا مش مجبرة أوضحلك أنا شاطرة لا فاشلة، كل حاجة تتعوض في الدنيا إلا الصحة.

وأضافت: أن السنة دي كنت في ثانوية عامة.. وشقتنا ولعت ومكنش ينفع أكمل تعليم لأن ثانوية عامة مصاريفها كتير جدا.. مكنش ينفع أدرس والشقة محروقة لا فيها محارة ولا كهرباء، تعتبر على الطوب الأحمر، مكنش ينفع أقول لأمي أكمل ثانوية عامة، وأنام على الأرض، بعدها اشتغلت في السوشيال ميديا، وعملنا شقتنا.

وتابعت: رحت الامتحانات، كده كده متعبتش ومبذلتش مجهود عارفة أني مذاكرتش جبت ملاحق.. أنا عارفه أن مش من حقي أنجح، بس ده غصب عني، ومحدش ليه حاجة عندي.   

وختمت: أنا صادقة جدا مع نفسي أنا مذاكرتش وده مجموعي، وربنا يدي كل واحد على قد تعبه، وفرحانة جدا لكل اللي تعب وذاكر وجاب مجموع حلو وربنا يفرحكم وربنا يدي كل واحد على كل تعبه، ولو أنت اتظلمت في مادة ربنا هيعوضها لك في حاجة تاني.