رامي جمال يكشف سبب اعلان اعتزاله أثناء مرضه بالبهاق

كشف الفنان رامي جمال، عن موقف محرج تعرض له، بعد إصابته بالبهاق، خلال لقائه مع الإعلامية مني الشاذلي، برنامج "معكم".

وقال رامي جمال:" كنت خارج وفيه حد كان داخل بيمد إيده ويسلم وأول ما أنا مدت إيدي راح عامل نفسه بيوطي بيربط الجزمة وراح قايل لي مبسوط جدًّا إني شُفتك، وقام داخل علطول قبل ما يسلم عليا".

وأضاف: "في يوم فنان كبير شافنى في الاستديو، قالي رامي خلي بالك شغلنا ده بيركز على الشكل قبل الصوت، وفي اللحظة دي قررت أعتزل وكتبت ده على الفيس بوك عندي، ولكن البلاء ده وضحلى قد ايه الناس بتحبنى وجواهم انسانية، وجالي مكلمات ودعم من الوطن العربي كله".

وأوضح أن شخص طلب منه البحث عن مجال مختلف غير الغناء إذا لم يتمكن من السيطرة على البهاق، متابعا: "قالي رامي اتصرف عشان أنت بدأت تغني ومستقبلك شكلك مش صوتك بس، فلو معرفتش تسيطر على القصة دي شوف شغلانة تانية، أنا مش مفترض سوء النية ساعتها، بس كمية الطاقة السلبية اللي أخدتها".

وكشف رامي جمال وزوجته عن العديد من التفاصيل حول حياتهما ،وطريقة تعارفهما وقصة حبهما، وقال رامي : "تعرفت على "ناريمان" زوجتى وهى كانت جاية تاخد لحن، وشفتها وعجبتنى وهى بتتكلم وطريقة الكلام كانت عاجبة ودانى، حسيت إن روحى تآلفت معاها".  

وذكرت ناريمان: "رامى جمال كان مبين انه مهتم بيا وكنت اعتقد أنه كان بيكذب عليا، وبدأت أحس بمشاعره نحوى وحدة وحدة، وفى نفس اليوم لمح لى أنه معجب بى، فقلت له: "لسه بدرى"، وكان نفسى أغنى حاجة من ألحانه، لأن كل أغنية أو لحن يقدمه كان بينجح".

شرط الزواج 
قال رامي جمال انه اشترط علي زوجته عدم الغناء قبل الزواج وقد أوضح الأسباب، حيث قال رامي :" تعرفت على "ناريمان" زوجتى وهى كانت جاية تاخد لحن، وشفتها وعجبتنى وهى بتتكلم وطريقة الكلام كانت عاجبة ودانى، حسيت إن روحى تآلفت معاها، ولما شفتها قلت: "آه لو عندى حد ممكن أغنيله لوحده" ودا مش هيزعل جمهورى".

وأضاف رامى جمال: "اتفاقى مع ناريمان بالابتعاد عن الغناء، بسبب إنى شايف إن الغناء مش شغلتها".

في سياق آخر، يستعد الفنان رامي جمال لـ أحياء حفل غنائي، في مهرجان العلمين ضمن حفلات الدورة الثانية في مهرجان العلمين، يوم الجمعة الموافق 2 أغسطس المقبل.