أول ظهور لداليا البحيري بعد حادث السير في الساحل الشمالي

شاركت الفنانة داليا البحيري جمهورها بإطلالة جديدة، في أول ظهور لها بعد تعرضها لحادث سير خلال قضائها العطله الصيفية مع أسرتها في الساحل الشمالي.

وكتبت داليا البحيري عبر حسابها بموقع «انستجرام»: «الحمد لله حمدًا كثيرًا طيبًا مباركاً فيه.. الصحة نعمة كبيرة ما بيحسش بيها إلا اللي بيفقدها ولو لوقت قصير.. ربنا يديم عليكم الستر والصحة وراحة البال».

خلال الأيام الماضية تعرضت الفنانة داليا البحيري لحادث سير، وذلك أثناء تواجدها في الساحل الشمالي لقضاء إجازتها الصيفية مع أسرتها.

ونشرت داليا البحيري صورة سيارتها، بعد الحادث الذي وقع، عبر حسابها الشخصي على موقع الفيسبوك "وعلقت"الحمد لله على كل شئ طبعا.. لاننا لازم نحمد ربنا على كل حاجة وفي كل وقت، اللي يعرفوني كويس حيعرفوا أني من محبي شهر الصيف جدا … بحب البحر والشمس والسماء ولمة العيلة وكل حاجة في الصيف جميلة حتي فاكهته، بس الحقيقة السنة دي كانت من اسوء الصيفيات اللي عدت عليا في الساحل… يتخللها بعض اللمحات الجميلة مع العيلة وبعض الأيام الطيبة…بس للأسف كنت مضغوطة جدا … كنت بعزل من بيت لبيت.. ودي كانت حاجة مفاجأة مش مترتب لها عشان كده كنت مشدودة.

وأضافت داليا البحيري: مناعتي وقعت وبقالي ٣ اسابيع عيانة جدا! جالي دور برد أو كورونا أو زي ما تحبوا تسموه…ولما ابتديت اخف شوية حسن جوزي اتعدي وتعب جدا! اكتر مني بكتير لدرجة اننا اضطرينا نروح مستشفى! وقعدنا ٤ ساعات هناك في الديپ فريزير!، تكييف عالي جدا لدرجة كنا موجوعين من البرد.

وأشارت" داليا البحيري: رجعنا من المستشفى وبعد أقل من ساعة كانت حرارتي طلعت تاني ورقدت ومن يومها وانا مش بتحسن، ويكتمل السيزون برجوعي سايقة من الساحل وأنا تعبانة لأني كان عندي ارتباط مهم في القاهرة والكاوتش بتاع عربيتي يتفرتك ويطلع دخان ! بحمد ربنا انه كان عند دخلة البوابات وماكنتش ماشية بسرعة. ده ستر ربنا الجميل "

اقرأ أيضا:

 مؤلفة حكاية "هند": رسالة موجهه للفتيات ضد التحرش