تامر حسني يدخل المستشفي بسبب كسر في قدمه

كشف الشاعر الغنائي رمضان محمد، عن تعرض النجم تامر حسني، لإصابة كسر في قدمه مما استدعي، دخولة للمستشفي ليخضع للعلاج اللازم.

وكتب رمضان محمد، عبر حسابة الشخصي بموقع التواصل الأجتماعي" فيسبوك": تامر حسني ده حوار كبير بجد.. بقالنا فتره كبيره بنتكلم وبنشتغل وعادي جدا نفس حماس وطاقة تيمو اللي بتخلي كل اللي حواليه يجتهدوا ويشتغلوا أكتر ".

وأضاف"  وفجأه النهارده بكلمه يقولي انا في المستشفى علشان في كسر في رجلي وبعالجه من فترة ولا حد يعرف ولا قال ولا إشتكي ولا حب يدي طاقة سلبية للناس اللي بيكلموه بجد إنسان جميل وفنان جميل وصعب جدا يتكرر وألف سلامه عليك ياتيمو".

من ناحية أخري، طرح الفنان تامر حسني، سؤالا على جمهوره عن رأيهم في تقديمه لحفل غنائي وهو جالس على كرسي مثل حفلات الأوبرا، وبمعية فريق اوركسترا كبير، وهذا السؤال خطر على باله من متابعة له طالبته بذلك.

وكتب تامر حسني عبر حسابه بموقع «فيسبوك»: «شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغانيا الرايقة، أنا فعلًا فكرت يا هالة في كده وكمان إني أوزعها كلها مع أوركسترا كبيرة لأني بجد ببقى كتير نفسي أغني من غير حركة وتنطيط ورايح جاي وهيبرة».

وأضاف: «نفسي أقدم لكم حفلة كاملة زي طريقتي لما غنيت نسيانك صعب أكيد، شجعتيني يا هالة والله، إيه رأيكم يا شباب ولا كله عايز يتنطط وزحمة وكده، قولولي رأيكم».

اقرأ أيضا:

 هاني عادل يكشف كواليس "أزمة ثقة" وضرب منة فضالي

من الاكتئاب إلى المواجهة.. مشاهير يروون تجاربهم مع الطب

المهن الموسيقية تنعى رحيل زوجة الموسيقار الراحل سيد