فريدة سيف النصر تكشف رأيها في أداء محمد محمود عبد العزيز بمسلسل "برغم القانون"

في إشادة صريحة وغير متوقعة، أثنت الفنانة القديرة فريدة سيف النصر على مسلسل "برغم القانون"، معربة عن إعجابها الكبير بأداء الفنان الشاب محمد محمود عبد العزيز. وكتبت فريدة على صفحتها الرسمية على فيسبوك: “أنا عودتكم على صراحتي.. أنا اتفرجت على برغم القانون علشان زيزو حبيبي.. اللي عايز عمتو تقول رأيها.. أيوه النجم محمد محمود عبد العزيز.. اتفرجت علشانه.. اللي كل دور باشوفه واحد تاني خالص.. لائق عليه الطيبة والشر والكوميديا والجد والهزل...ومتدين وفلاتي”

أضافت الفنانة القديرة فريدة سيف النصر في تعليقها على أداء محمد محمود عبد العزيز في مسلسل "برغم القانون": "لكن في ناس ماعرفش دي غيره ولا استكتار.. لله في الله بيعملوا نفسهم ماشافوش العظمة.. لاااا يازيزو انت تتشاف وتتشاف وبتغير جلدك كل دور وشكلك وجسمك ومشيتك.. من حقي اقول كا فنانة اني افتقدت مثلا نوح في الاب الروحي ..كل ادوارك علامة ببساطة من غير فذلكة وحركات اوفر بالعكس بتلبس الشخصية طبيعية مريحة .. النهاردة كنت وانت ماشي مع ايمان كأنك بتتكلم زي الناس الطبيعيين.. انت سهل ممتنع يامحمد لسه ماانكتبش لك صح". 

استكملت الفنانة القديرة فريدة سيف النصر إشاداتها، هذه المرة موجهة للنجمة إيمان العاصي. قالت فريدة: "ونرجع بقي للهانم اللي كنت ماشي معاها النهارده..الست.. إيمان العاصي ..اللي تخلت عن جمالها وشياكتها ومكياجها...وعاشت الام ومشاعر ست بتدور علي زوجها وبتعاني مع اولادها ..مااخبيش عليكم أنا اتفاجأت وماعرفتهاش ..إيمان نضجت استوت كا ممثله وكملت ده بجديه لما اتخلت عن إيمان العاصي الحلوه وقلعتها قبل ماتدخل الاستديو وقررت أن الممثل بيعيش اكتر..من اول حلقة مستبشرة خير ومستنية جدا اشوف هاتعملي ايه ..تحياتي للجميع ولسه السباق في أوله اتمني يحافظوا علي تميزهم للنهاية كافنانيين..أما المنتج ريمون بك كاعادته غير عادي في مراهناته وبينجح وينجحوا ويسيبهم ينطلقوا للبطولات الفردية.. كذا مره قولت له انت رمسيس نجيب العصر..شابووووووو ريمون..وبالنجاح يارب...وشكرا".